الماتىدا كوشى-قون تۋرالى زاڭدى بۇزعان 6 ازامات جازالاندى

الماتى. قازاقپارات - قالادا كوشى-قون پوليتسياسىنىڭ باستاماسىمەن وتكەن «زاڭسىز كەلۋشى-2014» شاراسى كەزىندە ۆيزا ۋاقىتى بىتسە دە ەلدەن كەتپەگەن مالايزيانىڭ 6 ازاماتىنا 40   ا ە ك ەسەبىندە اكىمشىلىك ايىپپۇل سالىندى.

بۇل تۋرالى قالالىق ءى ءى د باسپا ءسوز قىزمەتى حابارلادى.

وسى اپتادا ىزدەۋدە جۇرگەن 12 قىلمىسكەر ۇستالدى. ونىڭ ىشىندە ەكەۋى - رەسەي ازاماتى.

قاشقىنداردىڭ ءبىرى، 1988-جىلى تۋىلعان ازامات ەسىرتكى ساقتاعانى ءۇشىن ايىپتى دەپ تانىلىپ، رەسەي پوليتسياسىنىڭ ىزدەۋىندە جۇرگەن.

سونىمەن قاتار، توناۋشىلىقپەن اينالىسقانى ءۇشىن جەتىسۋ اۋدانىنىڭ ءى ءى ب ىزدەۋدە جۇرگەن 1971-جىلى تۋىلعان قازاقستاندىق ازامات تا ۇستالدى.

«جەدەل-پروفيلاكتيكالىق شارالار كەزىندە قىرعىز رەسپۋبليكاسىنىڭ قۇقىق قورعاۋ ورگاندارىمەن ىزدەۋدە بولعان 2 قازاقستاندىق ۇستالدى. ولاردىڭ ءبىرى الاياقتىق جاسادى دەپ، ەكىنشىسى ادام تونادى دەپ كۇدىكتەلۋدە. حالىقارالىق «زاڭسىز كەلۋشى-2014» وپەراتسياسى زاڭسىز كوشى-قون مەن ادام ساۋداسىنىڭ الدىن الۋ ءۇشىن وتكىزىلۋدە»، - دەدى قالالىق ءى ءى د كوشى-قون پوليتسياسى باسقارماسى باسشىسىنىڭ ورىنباسارى ايدىن بەلگىبايەۆ.

اۆتور: گۇلميرا ءعوسمانالي