م. ءابىلازوۆتىڭ ءىسى بويىنشا شەشىم 6- قازاندا شىعارىلماق

استانا. قازاقپارات - فرانسۋزدىڭ ليون قالاسىنىڭ سوتى بەيسەنبى كۇنى، 25- قىركۇيەكتە ب ت ا-بانكىنىڭ بۇرىنعى باسشىسى مۇحتار ءابىلازوۆتى ەكستراداتسيالاۋ ماسەلەسى بويىنشا تىڭداۋ وتكىزدى، دەپ حابارلادى rfi.fr فرانس-پرەسسكە سىلتەمە جاساپ.

قۋدالاۋ شاراسىن وزگەرتۋ ماسەلەسى بويىنشا سوت شەشىمى 6- قازاندا شىعارىلماق.

فرانس-پرەسستىڭ اتاپ وتۋىنشە، م. ءابىلازوۆ ەلەكتروندى براسلەت تاعىپ ءجۇرۋدى كوزدەيتىن ەشقايدا كەتپەۋ تۋرالى قولحات بەرۋگە كەلىسىپ، 100 مىڭ ەۋرو كولەمىندە كەپىل تولەۋدى ۇسىنعان.

بۇدان بۇرىن ەكس-ان-پروۆانس قالاسىنىڭ سوتى ءابىلازوۆتى ەكستراداتسيالاۋ ماسەلەسىن العاشقى قاراعان كەزدە ونى ەشقايدا كەتپەۋ تۋرالى قولحاتپەن بوساتۋدان باس تارتقان بولاتىن.

ەسكە سالا كەتەيىك، 9- ساۋىردە فرانسيانىڭ جوعارعى ينستانتسيادا تۇرعان كاسساتسيالىق سوتى ەكس-بانكير م. ءابىلازوۆتى ەكستراداتسيالاۋدان باس تارتىپ، ءىستى قايتا قاراۋ ءۇشىن ليونعا بەرگەن بولاتىن. ونىڭ ءوزى دە ليون قالاسىنىڭ تۇرمەسىنە اۋىستىرىلعان ەدى.

م. ءابىلازوۆ 2013-جىلعى 31- شىلدەدە فرانسيانىڭ وڭتۇستىگىندە تۇتقىندالعان بولاتىن.