جاڭا ايفون 6 سمارتفوندارى مايىسقاق بولىپ شىقتى
وتكەن جۇمادا عانا ساتىلىمعا تۇسكەن جاڭا iPhone مودەلىن ساتىپ العاندار گادجەتتەرىنىڭ قالتاعا سالعاننان كەيىن مايىسىپ قالعاندارىن ايتىپ شاعىمدانۋدا. Apple سمارتفونىنىڭ سوڭعى ۇلگىسى بولشەك ساۋدادا 999 اۆستراليالىق دوللارعا ساتىلىپ جاتىر.
الەۋمەتتىك جەلى پايدالانۋشىلارى Apple باسشىسى تيم كۋكقا جاڭا گادجەتتەگى «يىلگىش ديسپلەي» ءۇشىن ءازىل-شىنىن ارالاستىرىپ العىستارىن ايتتى.
«سالەم، تيم كۋك. مەن ءوزىمنىڭ جاڭا iPhone 6 Plus تەلەفونىمدى وتە جاقسى كورەمىن!!! ونداعى مەنىڭ سۇيىكتى فۋنكتسيام - ول يىلگىش ديسپلەي»، - دەپ جازادى تەلەفون يەلەرىنىڭ ءبىرى.
ەكىنشى ءبىر پايدالانۋشى ايفونداعى سۋرەتتىڭ ءبىراز قيسايعانىن بايقاپ، تەلەفوندى انىقتاپ قاراپ شىققاننان كەيىن، ونىڭ مايىسىپ قالعانىن كورگەن. وعان دەيىن گادجەت شالباردىڭ قالتاسىندا بولعان ەكەن.
جاڭا سمارتفوننىڭ مۇنداي «ەرەكشەلىگى» الەۋمەتتىك جەلىلەردە ءبىراز شۋ تۋعىزدى.
ەڭ تاپقىرلارى جاڭا ايفوننىڭ بۇل كەمشىلىگىن سىنعا الىپ، «bendgate» حەشتەگىن جاساپ تا ۇلگەرگەن.
