01:55, 24 - قىركۇيەك 2014 | GMT +5
قازاقستاندا 6 جاسقا تولعان بالا ەش كەدەرگىسىز مەكتەپكە قابىلدانادى
استانا. قازاقپارات - 6 جاسقا تولعان بالا ەش كەدەرگىسىز مەكتەپكە قابىلداناتىن بولادى. بۇل تۋرالى كەشە ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر ءبىلىم جانە عىلىم ۆيتسە-ءمينيسترى تاحير بالىقبايەۆ ايتتى.
«بىزدە مەكتەپكە العاش باراتىن بالالاردىڭ جاسى 6-7 جاس دەپ بەرىلگەن. سول سەبەپتى ءبىرىنشى سىنىپقا قابىلدانعاندا ءتۇرلى تۇسىنىكسىز جاعداي تۋىنداپ جاتادى. سوندىقتان قازىر زاڭعا ناقتى 6 جاسقا تولعان بالانىڭ مەكتەپكە بارۋىنا بولادى دەگەن ەرەجە جاڭادان ەنگىزىلىپ جاتىر»، - دەدى ت. بالىقبايەۆ.
ايتا كەتەيىك، بۇگىن ۇكىمەت وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءبىلىم بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى تالقىلانعان بولاتىن.
