ورال اۋەجايىن 6 ميللياردتان استام تەڭگەگە جوندەيدى
بۇعان دەيىن ورال اۋەجايىنىڭ توزىعى جەتىپ تۇرعانى، وعان كۇردەلى جوندەۋ جۇرگىزۋ قاجەتتىلىگى جازىلعان بولاتىن. اسىرەسە، ۇشۋ الاڭىنداعى جولاقتار بۇگىنگى كۇننىڭ تالاپتارىنا سايكەس كەلمەيتىنى ايتىلىپ كەلەدى.
كولىك جانە كومۋنيكاتسيا مينيستىرلىگى وتكەن شىلدە ايىندا ورال اۋەجايىنا جاڭعىرتۋ جۇمىستارىن جۇرگىزۋ جونىندە كونكۋرس جاريالادى. وسى جوباعا ساي مۇندا ۇشىپ-قونۋ جولاعانىڭ ۇزىندىعى 2400 دەن 2800 مەترگە دەيىن، ال ەنىن 42 دەن 45 مەترگە دەيىن سوزۋ بەلگىلەنگەن. قازىرگى كۇنى جوبانىڭ تەحنيكالىق- ەكونوميكالىق نەگىزدەمەسى جانە جوبالاۋ-سمەتالىق قۇجاتتارى مەملەكەتتىك ساراپتامادان وتكىزىلدى.
باتىس قازاقستان وبلىستىق جولاۋشىلار كولىگى جانە اۆتوموبيل جولدارى باسقارماسىنان الىنعان دەرەكتە ورال اۋاەجايىن جاڭعىرتۋعا رەسپۋبليكالىق بيۋجەتتەن 6 ميلليارد 488 ميلليون تەڭگە بولىنگەنى كورسەتىلگەن.
كونكۋرسقا قاتىسۋعا ءتورت قازاقستاندىق كومپانيا ءوتىنىش بىلدىرگەن. جوندەۋ جۇمىستارى كەزىندە اۋەجاي ۋاقىتشا جابىلادى، جوسپار بويىنشا ول جىل اياعىنا دەيىن اياقتالۋى كەرەك.
