03:36, 02 - شىلدە 2014 | GMT +5
كوپ بالالى انادان 6 جىل بويى اقشا «سورىپ» كەلگەن مەملەكەت قىزمەتكەرى ۇستالدى
استانا. قازاقپارات - ماڭعىستاۋ وبلىسى بويىنشا قارجى پوليتسياسى دەپارتامەنتى الاياقتىق قىلمىس جاسادى دەگەن كۇدىكپەن ماڭعىستاۋ وبلىسى مۇنايلى اۋدانى ماڭعىستاۋ سەلوسى اكىمى اپپاراتىنىڭ باس مامانى ب. جايلاموۆاعا قاتىستى قىلمىستىق ءىس قوزعادى، دەپ حابارلايدى اتالعان ۆەدومستۆونىڭ باسپا ءسوز قىزمەتى.
ول «قولجەتىمدى باسپانا-2020» مەملەكەتتىك باعدارلاماسى بويىنشا پاتەر الىپ بەرەمىن دەپ الداپ، 6 جىل ىشىندە ك. دەگەن كوپ بالالى انادان ءبولىپ-ءبولىپ 600000 تەڭگەدەن استام اقشا الىپ كەلگەن. ب. جايلاموۆا 20 - ماۋسىمدا دەپارتامەنت قىزمەتكەرلەرىنىڭ جەدەل-ىزدەستىرۋ شارالارىنىڭ بارىسىندا قالعان 1000 ا ق ش دوللارىن الۋ بارىسىندا قىلمىس ۇستىندە ۇستالدى.
23 - ماۋسىمدا ب. جايلاموۆاعا قاتىستى ق ر ق ك 177-بابىنىڭ 3-بولىگى «گ» تارماعىمەن قوزعالعان قىلمىستىق ءىس ونىڭ ءوزىنىڭ كىناسىن تولىق مويىنداۋىنا بايلانىستى، سوتقا دەيىنگى جەڭىلدەتىلگەن ءوندىرىس تارتىبىمەن سوتقا جولداندى.
