ق ر ۇكىمەتى 6 سالالىق باعدارلامانى وڭتايلاندىرۋدى جوسپارلاۋدا
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر وڭىرلىك دامۋ ءمينيسترى بولات جامىشيەۆ ءمالىم ەتتى.
ونىڭ ايتۋىنشا، «قولجەتىمدى باسپانا-2020» ، «ت ك ش جاڭعىرتۋ»، «اق بۇلاق»، «مونوقالالاردى دامىتۋ» باعدارلامالارى وڭتايلاندىرۋعا ۇشىراماق.
ونىڭ بارىسىندا ولاردى وڭىرلەردى دامىتۋدىڭ 2020 - جىلعا دەيىنگى باعدارلاماسىنا بىرىكتىرۋ كوزدەلۋدە. ال ونداعى كاسىپكەرلىككە قاتىستى شارالار «بيزنەستى دامىتۋدىڭ جول كارتاسى-2020» باعدارلاماسىنا ەنگىزىلەتىن بولادى.
«بۇلاردىڭ بارلىعى ءبىرقاتار كورسەتكىشتەر بويىنشا قيىلىسىپ، ءوزارا كەزدەسىپ وتىردى، سوندىقتان وسىنىڭ بارلىعىن وڭتايلاندىراتىن وڭىرلەردى دامىتۋدىڭ ءبىرىڭعاي باعدارلاماسىن قۇرۋ قاجەتتىلىگى تۋىندادى»، - دەيدى مينيستر.
ب. جامىشيەۆتىڭ اتاپ وتكەنىندەي، باعدارلامالاردى وڭتايلاندىرۋدىڭ ماقساتى تەك ۇقساس مىندەتتەردى بىرىكترۋ عانا ەمەس، سونىمەن بىرگە ەكونوميكالىق ءوسىم ورتالىقتارىن دامىتۋدى قولداۋ قانداي دەڭگەيدە ەكەنىن جانە جاڭا الەۋەتتەردى انىقتاۋ ءۇشىن جاسالىپ وتىر.
اۆتور: جاسۇلان جولدىبايەۆ
