قۇلجادان بەيجىڭگە توتە قاتىنايتىن اۋە جولى 6- ماۋسىمدا اشىلادى
بۇل قۇلجا اۋەجايىنان چىڭدۋعا، شاڭحايعا، نانجيڭگە باراتىن اۋە جولدارى اشىلعاننان كەيىنگى تاعى ءبىر الىس ارالىقتى توتە قاتىناۋ جولىنىڭ اشىلۋى، بۇل اۋە جەلىسى اشىلعاننان كەيىن، ىلە اڭعارىنداعى جۇرتشىلىقتىڭ بەيجيڭ اۋەجايىنىڭ زور مۇمكىنشىلىكتەرىنەن پايدالانا وتىرىپ، ەل ءىشى - سىرتىنداعى قالالارعا بارۋىنا قولايلىلىق تۋدىرادى.
اتالعان اۋە جولىندا باستابىندا جەكسەنبى، دۇيسەنبى، سارسەنبى، جۇما كۇندەرى ءبىر كەزەك ۇشاق قاتىنايدى، بەيجيڭنەن قۇلجاعا قاتىناۋ ۋاقىتى 6 ساعات 55 مينۋت، قۇلجادان بەيجيڭگە قاتىناۋ ۋاقىتى 7 ساعات 30 مينۋت، قاتىنايتىن ۇشاقتىڭ تۇرپاتى بوين 737. ۇشاق قاتىناۋ ۋاقىتى: بەيجيڭ ۋاقىتى 9:50دا استانا اۋەجايىنان اۋەگە كوتەرىلىپ، 14:15تە ءۇرىمجى ديوپۋ حالىقارالىق اۋەجايىنا قونىپ، 15:35 مينۋتتا قايتا ۇشىپ، 16:45 مينۋتتا قۇلجا اۋەجايىنا جەتەدى؛ كەرى باعىتتاعى ۇشاق 15:55 مينۋتتا قۇلجا اۋەجايىنان كوككە كوتەرىلىپ، 17:05 مينۋتتا ءۇرىمجى اۋەجايىنا توقتاپ، 20:15 مينۋتتا ۇشىپ، 23:25 مينۋتتا بەيجيڭدەگى استانا اۋەجايىنا جەتەدى.
