پاراقور پرەزيدەنت 6 جىلعا باس بوستاندىعىنان ايىرىلدى

استانا. قازاقپارات - نيۋ-يورك فەدەرالدىق سوتىنىڭ شەشىمىمەن گۆاتەمالانىڭ بۇرىنعى پرەزيدەنتى الفونسو پورتيلو 5 جىل 10 ايعا باس بوستاندىعىنان ايىرىلدى.

ول تايۆان بيلىگىنەن پارا الىپ، زاڭسىز جولمەن تابىلعان اقشانى امەريكالىق بانكىدە جاسىرعانى ءۇشىن وسىنداي جازاعا كەسىلىپ وتىر.

ناۋرىزدا ا. پورتيلو 2,5 ميلليون ا ق ش دوللارى كولەمىندە پارا العانىن مويىنداعان. ەسەسىنە گۆاتەمالا تايۆاننىڭ تاۋەلسىزدىگىن مويىنداعان 22 مەملەكەتتىڭ قاتارىندا قالۋى ءتيىس ەدى.

تەرگەۋ مالىمەتتەرى بويىنشا تايۆان بيلىگىنەن العان قىرۋار قارجىنى ەكس-پرەزيدەنت مايامي مەن ۆاشينگتونداعى ەسەپشوتتارىنا اۋدارىپ جىبەرگەن.

ايتا كەتەيىك، الفونسو پورتيلو 2000-2004 - جىلدارى گۆاتەمالا پرەزيدەنتى بولعان.

كەيىن ورنىنان ايىرىلا سالىسىمەن مەكسيكاعا كوشىپ كەتەدى.

ءبىراق 2008 - جىلى وتانىنا ورالۋعا ءماجبۇر بولعان ەكس-پرەزيدەنت 2013 - جىلى ا ق ش-قا ەكستراديتسيالانعان.

 

24.kz