التايداعى بالالار لاگەرىندە 69 ادام ۋلانىپ قالدى

26-29- شىلدە ارالىعىندا 7 مەن 17 جاستاعى بالالاردان ىشەك ينفەكسياسىنان ۋلانۋدىڭ 67 وقيعاسى تىركەلدى. لاگەردە بارلىعى 354 بالا دەمالعان.
«رەسپۋبليكانىڭ شەبالى اۋدانىندا ورنالاسقان بالالار لاگەرىندە 67 بالا مەن 2 ەرەسەك ادامنان اسقازان- ىشەك اۋرۋلارى تىركەلدى»، - دەدى مينيسترلىكتەگىلەر.
مەديتسينا قىزمەتكەرلەرى لاگەردە دەمالعان بالالاردىڭ ءبارىن تەكسەردى. 29- شىلدە كۇنى كەشكە جاڭا جاعداي انىقتالعان جوق.
زارداپ شەككەندەرگە قاجەتتى مەديتسينالىق كومەك كورسەتىلدى. ولار اۋرۋدىڭ جەڭىل تۇرىنە شالدىققان. ناۋقاستاردى باقىلاۋ ماقساتىندا ۋاقىتشا وقشاۋلاۋ تۋرالى شەشىم قابىلداندى. ولار اۋداندىق اۋرۋحانانىڭ ينفەكتسيالىق بولىمدەرىنە جانە ج ي ت س ورتالىعىنا ورنالاستىرىلعان.
لاگەر جۇمىسىن توقتاتۋ ماسەلەسى قارالىپ جاتىر. تەرگەۋ كوميتەتى رەسەي فەدەراتسياسى قىلمىستىق كودەكسىنىڭ 238-بابى («تۇتىنۋشىلاردىڭ ءومىرى مەن دەنساۋلىعىنىڭ قاۋىپسىزدىگى تالاپتارىنا سايكەس كەلمەيتىن قىزمەتتەردى كورسەتۋ») بويىنشا قىلمىستىق ءىس قوزعادى.
لاگەردە بالالاردىڭ قاۋىپسىزدىگىنە جاۋاپتى ءبىلىم بەرۋ ۇيىمى لاۋازىمدى تۇلعالارىنىڭ ارەكەتىنە باعا بەرىلەدى.