بريتانياداعى 69 جىلدان بەرى بولماعان ىستىق

استانا. قازاقپارات - لوندوننىڭ كەيبىر بولىكتەرىندە بەيسەنبى كۇنى اۋا تەمپەراتۋراسى 28 گرادۋستان استى.

بۇل 1949 -جىلدان بەرگى بريتانياداعى ءساۋىردىڭ ەڭ ىستىق كۇنى، دەپ حابارلايدى bbc.com.

اۋا رايىننىڭ مۇنداي ەرەكشە بولۋى باتىس ەۋروپادا قىسىمنىڭ جوعارى دەڭگەيىنىڭ ساقتالىپ، ال اتلانتيكا ۇستىندە قىسىمنىڭ كۇرت تومەندەۋىنەن. بۇل بريتانيا ارالدارىنا قاراي جوڭكىلگەن ىستىق اۋا اعىنىنا جول اشتى.

تابيعاتتىڭ وزگەشە سىيىنا قالا تۇرعىندارى عانا ەمەس، جان-جانۋارلار دا قاتتى قۋانعان سىڭايلى.

 

بريتانيادا رەكوردتىق تەمپەراتۋرا پليۋس 28,8°C بەيسەنبىدە، 19 -ساۋىردە كۇندىز لوندوننىڭ سولتۇستىك-باتىسىنداعى نورتحولت اۆيابازاسىندا تىركەلدى.

 

ايتا كەتكەن ءجون، سوڭعى رەت بريتان استاناسىندا مۇنداي ىستىق 1949 -جىلعى ساۋىردە بولعان. ول كەزدە تەرمومەتر باعانى 29,4°C جەتكەن ەدى. بۇل كوكتەمنىڭ وسى ايىنداعى ابسوليۋتتىك رەكورد بولاتىن. ازىرگە مۇنان اسقان تەمپەراتۋرا بولعان ەمەس. نەگىزىندە بريتانيادا ساۋىردە ەڭ جوعارى دەگەندە پليۋس 11,9 گرادۋستى قۇرايدى.