گونكونگتا بيىك عيماراتتارعا شىعىپ، ۆيدەو تۇسىرەتىن بلوگەر 68-قاباتتان قۇلاپ كەتتى
30 جاستاعى جىگىت گونكونگتاعى Tregunter Tower جوعارعى قاباتىنداعى پەنتحاۋس شاتىرىنان قۇلاپ قازا تاپتى.
فرانسۋز بەيسەنبى كۇنى كەشكە ءزاۋلىم عيماراتقا كىرىپ، كۇزەتشىگە دوسىنا قوناققا كەلگەنىن ايتقان.
كۇزەتشى ونى توقتاتپاق بولعاندا ول تىڭداماي جوعارىعا كوتەرىلىپ كەتكەن.
ۆيدەوباقىلاۋ كامەراسىنىڭ كادرىنان لۋچيديدىڭ ليفتپەن 49-قاباتقا، كەيىن باسپالداقپەن جوعارىعا كوتەرىلىپ بارا جاتقانى كورىنىپ تۇر.
سوڭعى رەت ونىڭ عيماراتتىڭ تەرەزەسىن توقىلداتىپ، قىزمەتشى ايەلدى كومەككە شاقىرىپ جاتقانىن كورگەن، كەيىن ول قۇلاپ، مەرت بولدى.
رەميدى ىزدەگەن قاۋىپسىزدىك قىزمەتكەرلەرى كەيىنىرەك شاتىردىڭ ليۋگى اشىق تۇرعانىن بايقاعان.
پوليتسەيلەر ونى پەنتحاۋستان تىسقارىدا تۇزاقتا قالىپ قويىپ، سول كەزدە ەلدى كومەككە شاقىردى دەپ بولجاپ وتىر.
پوليتسيا وقيعا ورنىنان ەر ادامنىڭ كامەراسىن تاپتى. وعان باسقا دا قاۋىپتى تريۋكتەردىڭ ۆيدەوسى تۇسىرىلگەن.
لۋچيدي Instagram-داعى وقىرماندارىنا قيىن تريۋكتەر جاساعان اسەرلى ۆيدەولارىن ءجيى ءبولىسىپ وتىرعان.
2019-جىلى رەمي گونكونگتەگى كوپپاتەرلى ءۇيدىڭ ۇستىندە كەتىپ بارا جاتىپ، ءوزىن تۇسىرگەن. وندا شاتىردىڭ شەتىنە بىرنەشە ديۋيم عانا قالعانىن كورۋگە بولادى.
سونداي-اق، ول الەمدەگى، سونىڭ ىشىندە بولگاريا، كولۋمبيا، فرانسيا، دۋباي جانە پولشاداعى بيىك عيماراتتارعا شىعىپ، تانىمال بولعان.
