سوڭعى اپتادا ەلدە 68 كەلى التىن ساتىلعان
ساۋداعا ونىڭ 5، 10، 20، 50 جانە 100 گرامدىعى شىعارىلادى. سونىڭ ىشىندە باعالى مەتالدىڭ 10 گرامدىعىنا سۇرانىس جوعارى. ايتا كەتەيىك، التىندى ساتۋ- ساتىپ الۋ باعدارلاماسى 2017 -جىلى ىسكە قوسىلدى. ونى ەكىنشى دەڭگەيلى بانكتەر مەن بانكتىك ەمەس ارناۋلى ۇيىمدار ىسكە اسىرادى. ۇلتتىق بانكتىڭ دەرەگىنشە، وسى ارالىقتا جيىنى 3 تونناعا جۋىق التىن ساتىلعان. ال حالىقتان كەرى ساتىپ الىنعان التىن كولەمى جالپى ساتىلىمنىڭ 15 پروتسەنتىنە جۋىقتايدى.
ديقانشىلار قاۋىمىنا بەرىلەتىن سۋبسيديا بيىل 140 ميلليارد تەڭگە جەتۋى مۇمكىن ۇكىمەت بيۋدجەتتى ناقتىلاۋ كەزىندە وسى ماسەلەنى قاراماق.
بۇدان بولەك فورۆاردتىق ساتىپ الۋ باعدارلاماسىن قارجىلاندىرۋ ەكى ەسە ۇلعايادى. ال شارۋالار ءاربىر تيىننىڭ ءتيىمدى جۇمسالعانى جونىندە ەسەپ بەرۋگە مىندەتتەلەدى. قازاقستان استىق وداعىنىڭ رەسمي وكىلى ەۆگەني كارابانوۆتىڭ ايتۋىنشا، باستى ماسەلە وسى قوماقتى قارجىعا قول جەتكىزۋ بولىپ تۇر. سەبەبى بۇعان دەيىن سۋبسيديا تەك ءاربىر ءتورتىنشى كاسىپكەرگە عانا بەرىلىپ كەلگەن. كوبى قۇجات راسىمدەۋ كەزىندە كەدەرگىلەرگە تاپ بولادى.
سوندىقتان دەمەۋقارجىنى الۋ ءتارتىبىن جەڭىلدەتكەن دۇرىس دەيدى. ساراپشىنىڭ پايىمىنشا، سۋبسيديا كولەمىن ارتتىرماسا، الداعى ەگىن ناۋقانى ويداعىداي وتەدى دەۋ قيىن. سەبەبى تىڭايتقىشتان باستاپ، جانار- جاعارماي، جيىن- تەرىمگە قاجەت بولشەكتەردىڭ بارلىعىنىڭ دەرلىك باعاسى شارىقتاپ كەتتى. ءمۇنىڭ ۇستىنە بيىل تۇقىمنىڭ ءبىر تونناسى ەكى ءجۇز مىڭعا دەيىن قىمباتتايتىنى ايتىلىپ ءجۇر. قازاقستاندىقتار وففشورعا اقشا اۋدارۋدى جيىلەتتى سونىمەن بىرگە قازاقستاندىقتار وففشورعا اقشا اۋدارۋدى جيىلەتتى. اسىرەسە سەيشەل مەن كايمان ارالدارىنا اسقان قارجى كولەمى ەسەلەنگەن. نارىق. كز باسىلىمىنىڭ دەرەگىنە سۇيەنسەك، بىلتىر قازاقستاندىقتاردىڭ شەتەلگە قۇيعان قارجىسى 1 جارىم ميلليارد ا ق ش دوللارىنا جەتتى. ءوسىم 35,8 پروتسەنت. ينۆەستيتسيانىڭ باسىم بولىگى قارجى جانە ساقتاندىرۋ قىزمەتىنە سالىنعان.
سونداي- اق كاسىبي جانە عىلىم تەحنيكالىق سالانى دامىتۋعا دا قوماقتى سوما باعىتتالعان. بىلتىر توعىز ايدا ەڭ كوپ قارجى كايمان ارالدارىنا جىبەرىلگەن. جىل ىشىندە اۋدارىلعان اقشا كولەمى 3 ەسە ارتىپ، 637 ميلليون دوللاردان استى.
www.24.kz
