10:47, 11 - قازان 2021 | GMT +5
نۇر- سۇلتاندا ءبىر تاۋلىكتە 68 جول- كولىك وقيعاسى بولدى
نۇر- سۇلتان. قازاقپارات - ەلوردادا ءبىر تاۋلىكتىڭ ىشىندە 68 جول- كولىك وقيعاسى بولىپ، ءبىر ادام اۋرۋحاناعا ءتۇستى، دەپ حابارلايدى قازاقپارات نۇر- سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
بۇگىن ەلوردادا قار ارالاس جاڭبىر جاۋىپ، كوكتايعاق بولادى. پوليسەيلەر جۇرگىزۋشىلەرمەن قاتار جاياۋ جۇرگىنشىلەردى دە جولدا مۇقيات بولۋعا شاقىرادى. پوليتسيا دەپارتامەنتى جۇرگىزۋشىلەرگە مارشرۋتتى الدىن الا جوسپارلاۋعا، قوزعالىس كەزىندە جىلدامدىق رەجيمىن جانە ءقاۋىپسىز قاشىقتىقتى ساقتاۋعا كەڭەس بەرەدى. سەبەبى تايعاق جولدا اۆتوكولىكتىڭ توقتاۋ جولى ۇزارادى.
