نۇر-سۇلتاندا كوروناۆيرۋس جۇقتىرعانداردىڭ 68 پايىزى ايەلدەر

«2020 -جىلى 22-قاڭتاردان باستاپ، نۇر-سۇلتاندا ينفەكسيالىق ستاتسيونارلار مەن پروۆيزورلىق ستاتسيونارلار اشىلدى. 28 قاڭتاردان باستاپ، وندا 1942 پاتسيەنت جاتتى. ونىڭ ىشىندە 109 ادام نەمەسە 6 پايىزى - 18 جاسقا تولماعان. 22 -ناۋرىز ساعات 10.00-دەگى جاعداي بويىنشا 1234 ادام كوروناۆيرۋس كۇدىگىمەن ستاتسيوناردا جاتىر. ونىڭ 61 ى - بالالار»، - دەدى باسقارما باسشىسى «حابار 24» تەلەارناسىندا وتكەن بريفينگتە.

قازىرگى ۋاقىتتا نۇر- سۇلتاندا كوروناۆيرۋس ينفەكسياسىنىڭ 31 جاعدايى تىركەلدى. 30 ناۋقاس - قازاقستان ازاماتتارى بولسا، 1 ەۋى - شەتەلدىك. «ولاردىڭ %32 نەمەسە 10 ناۋقاس – ەر ادام، %78 نەمەسە 21 ناۋقاس - ايەلدەر. جاس قۇرىلىمى بويىنشا، 21 وقيعا نەمەسە ناۋقاستاردىڭ %68 - 30-49 جاس ارالىعىندا. 18 جاسقا تولماعان 2 بالا بار جانە 18-29 جاس ارالىعىنداعى 3 ناۋقاس بار. 50-59 جاس ارالىعىندا - 4 ادام جانە 60 جاستان اسقان 1 ناۋقاس تىركەلگەن.

ناۋقاستاردىڭ %26 نەمەسە 8 وقيعا 1ا ساناتىنداعى ەلدەردەن كەلگەن رەيستەن تۇسىرىلگەن جولاۋشىلار.

ايتا كەتەيىك، قازاقستان رەسپۋبليكاسى اۋماعىندا كوروناۆيرۋس ينفەكتسياسىن جۇقتىرعان جالپى 56 ناۋقاس تىركەلدى. نۇرسۇلتان قالاسىندا 31 ادامدا كورونوۆيرۋس ينفەكتسياسى انىقتالدى. الماتى قالاسىندا - 22 ادام، قاراعاندى قالاسىندا - 2, الماتى وبلىسىندا 1 ادام. بۇعان دەيىن باسقارما باسشىسى ەلوردادا نۇرسۇلتان نازاربايەۆ اتىنداعى اۋەجايعا كەلگەن 600 گە جۋىق جولاۋشىنىڭ تەكسەرىلىپ جاتقانىن حابارلادى.

اۆتور: ايجان سەرىكجان قىزى