جيىرما جاستاعى جىگىتتەي سىمباتتى كورىنەتىن 68 جاستاعى قارت تۋرالى نە بىلەمىز؟

 استانا. قازاقپارات - قاي جاستا بولسىن سىمباتتى كورىنۋ ونەر. ءبىراق ەگدە جاستاعى ادام ستۋدەنتتەي جاس كورىنسە، بۇل تابيعات زاڭدىلىعىنا قايشى سياقتى.

68 جاستاعى شاڭحاي تۇرعىنى حا حايعا قاراپ، جاسارتۋ سۋسىنىن ىشكەن بە دەپ ويلايسىڭ. الايدا قارتتىڭ ءوز جاسىنان جاس كورىنۋىنىڭ قۇپياسى سالاۋاتتى ءومىر سالتىندا دەپ جازادى bigpicture.ru سايتىنا سىلتەمە جاساعان NUR. KZ.

حا حاي 1950-جىلى ومىرگە كەلگەن. اكەسىنەن بالا كەزىندە ايىرىلعان. ونى جانە التى باۋىرىن اناسى تاربيەلەگەن. ول بالا كەزىنەن سپورتپەن شۇعىلدانعان، ءبىراق كاسىبي تۇردە ەمەس.

حا حايعا تانىمالدىلىق ەكى جىل بۇرىن، ەگدە جاستاعى دارىندى ادامدارعا ارنالعان بايقاۋعا قاتىسقان كەزدە كەلدى.

ءتانىن جاقسى فيزيكالىق كۇيدە ساقتاۋ ءۇشىن ول مەديتاتسيامەن اينالىسىپ، جارتى ساعات بويى باسپەن تومەن ءىلىنىپ تۇرادى.

حا حاي تەك پايدالى تاماق جەيدى، تاعامدىق قوسپالار ىشەدى.

سونىمەن قاتار ەر ادام ءوزىن 20 جاستاعى جىگىت سەزىنەدى ەكەن.

جاس دەگەن ول ءۇشىن جاي عانا سان جانە ومىرىنە مۇلدە اسەر ەتپەيتىن كورىنەدى.

«ءار ادام ۋاقىتى كەلگەندە قارتايادى. بۇدان قاشىپ قۇتىلمايسىڭ. ءبىراق ءوزىڭىزدى كارى سەزىنىپ، ەشتەڭەنى ۇيرەنگىڭىز كەلمەسە، شىنىمەن دە قارتايعاندىعىڭىز»، - دەدى حا حاي.