قازاقستاندا 68 اۋىلدىڭ تۇرعىندارى وزەن سۋىن ىشۋگە ءماجبۇر
استانا. قازاقپارات - قازاقستاننىڭ 4 وبلىسىنا قاراستى 68 اۋىلدىڭ تۇرعىندارى وزەندى اۋىز سۋ رەتىندە تۇتىنۋعا ءماجبۇر.
بۇل تۋرالى بۇگىن ق ر پارلامەنتى ماجىلىسىندە وتكەن پارلامەنتتىك تىڭداۋدا ق ر دەنساۋلىق ساقتاۋ ۆيتسە- ءمينيسترى الەكسەي سوي ايتتى، دەپ حابارلايدى قازاقپارات.
«قولدا بار ءپوزيتيۆتى ناتيجەلەرگە قاراماستان ادام دەنساۋلىعىنا تەرىس اسەر ەتەتىن ءبىرقاتار پروبلەما بار. ماسەلەن، وڭتۇستىك قازاقستان، جامبىل، باتىس قازاقستان جانە الماتى وبلىستارىنىڭ 68 ەلدى مەكەنى بۇلاقتار مەن شاعىن وزەندەردەن تازارتىلماعان سۋدى اۋىز سۋ رەتىندە پايدالانۋعا ءماجبۇر. و ق و، قاراعاندى، اقمولا وبلىستارىنىڭ كەيبىر ەلدى مەكەندەرىندەگى سۋ دايىنداۋ قۇرىلعىلارى 20 جىلدان استام ۋاقىت بويى كۇردەلى جوندەۋ كورمەگەن. ناتيجەسىندە ولاردا سۋدى تازارتۋ تيىمدىلىگى وتە تومەن. اۋىز سۋ ساپاسى تالاپ ەتىلەتىن پارامەترلەرگە جەتپەيدى» ، - دەدى ۆيتسە- مينيستر.
ونىڭ ايتۋىنشا، لاستانعان سۋدى پايدالانۋ ءجىتى ينفەكتسيالىق اۋرۋلاردىڭ تۋىنداۋىنا سەبەپكەر بولۋى مۇمكىن. سونىمەن قاتار ادامنىڭ نەگىزگى ومىرلىك قىزمەت فنكتسيالارىنا دا اسەرىن تيگىزەدى. «اۋىلدىق ەلدى مەكەندەردە اكىمدىكتەر جانىندا سۋمەن جابدىقتاۋ نىساندارىنا قىزمەت كورسەتۋگە ارنالعان جانە بارلىق دەڭگەيلەردە وندىرىستىك زەرتحانالىق باقىلاۋدى جۇزەگە اسىراتىن ۇيىمدار قۇرۋ جونىندەگى مينيسترلىكتىڭ ۇسىنىستارى «اق بۇلاق» باعدارلاماسىنا ەنگىزىلگەن بولاتىن. ءبىراق، سۋمەن جابدىقتاۋ نىساندارىن بالانسقا قابىلداۋ جانە كەيىن ولارعا قىزىمەت كورسەتۋ ماسەلەسى ءىس جۇزىندە بارلىق ايماقتا وزەكتى بولىپ قالۋدا» ، - دەدى ول.
ونىڭ سوزىنە قاراعاندا، بۇگىنگى كۇنى 120 دان استام سۋ قۇبىرى مەن 600 دەن استام ورتالىقتاندىرىلماعان سۋمەن جابدىقتاۋ كوزى ۆەدومستۆولىق قاجەتتىلىكتەرمەن قامتاماسىز ەتىلمەگەن. 140 تان استام سۋ قۇبىرى وندىرىستىك باقىلاۋمەن قامتىلماعان.
ايتا كەتەيىك، ق ر پارلامەنتى ماجىلىسىندە ەلىمىزدىڭ ەلدى مەكەندەرىن ساپالى اۋىز سۋمەن قامتاماسىز ەتۋدىڭ وزەكتى ماسەلەلەرىنە ارنالعان پارلامەنتتىك تىڭداۋ ءوتتى. شاراعا ءماجىلىس ءتوراعاسى نۇرلان نىعماتۋلين، ق ر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى اسقار مىرزاحمەتوۆ، قارجى ءمينيسترى باقىت سۇلتانوۆ، ينۆەستيتسيالار جانە دامۋ ءمينيستى جەڭىس قاسىمبەك، مۇددەلى مەملەكەتتىك ورگانداردىڭ، عىلىمي- زەرتتەۋ ينستيتۋتتارىنىڭ وكىلدەرى قاتىستى.
اۆتور: مارلان جيەمباي
