11:54, 13 - قاڭتار 2017 | GMT +5
سالماعى 68 كەلى تارتاتىن تاسباقا ءورت تۋعىزدى
استانا. قازاقپارات - ا ق ش- تا ءۇي ىشىندە وسىرىلەتىن الىپ تاسباقا ءوزىنىڭ تورىندا تۇراقتى جانىپ تۇراتىن جارىقتى قۇلاتىپ قويىپ، ۇيدەن ءورت شىققان.

بولمەنىڭ ىشىندەگى توسەك تە جانىپ، ءۇي ىشىندەگى جالىن سىرتقا ۇلاسقان. ءتىپتى كورشى ۇيگە ءورت ءتيىپ، ول تۇگەلدەي جانىپ كەتكەن. كەيىن ورتەلگەن ءۇيدى باعالاعان ساراپشىلار ونىڭ قۇنى 150 مىڭ دوللار تۇراتىنىن انىقتاعان.
ال تاسباقانىڭ بىرنەشە جەرى عانا كۇيگەن. قازىر ماماندار جىلۋ لامپاسىنان قالاي ءورت شىقتى، ونىڭ سەبەبىن انىقتاۋ ۇستىندە.