قازاقستاندىق 68 سپورتشى لوس-اندجەلەستەگى دۇنيەجۇزىلىك ارنايى وليمپيادا ويىندارىنا قاتىسادى
سپورتتىق شارا تۋرالى بۇگىن الماتىدا وتكەن باسپا ءسوز كونفەرەنتسياسى بارىسىندا «SpecialOlympics» باس ديرەكتورى ولگا باحاريەۆا ايتىپ بەردى.
ونىڭ ايتۋىنشا، اتلەتتەر 15 التىن، 15 كۇمىس جانە 15 قولا مەدالدى جەڭىپ الۋدى كوزدەپ وتىر.
«قازاقستان ينتەرناتتارىنان، ارنايى مەكتەپتەر مەن وتباسىلارىنان شىققان 20 مىڭنان اسا بالا جازعى جانە قىسقى سپورتتىڭ 24 ءتۇرى بويىنشا جىل سايىنعى جاتتىعۋلار مەن سايىستارعا قاتىسىپ، جىل سايىن وبلىستىق جانە رەسپۋبليكالىق جارىستارعا قاتىسىپ وتىرادى.
قازاقستاننىڭ قۇراما كوماندالارى ەۋروپانىڭ ارنايى وليمپيادا ويىندارىنا، سونداي-اق، 1991-جىلدان باستاپ ەكى جىلدا ءبىر رەت دۇنيەجۇزىلىك ارنايى وليمپيادا ويىندارىنا قاتىسىپ وتىرادى»، - دەپ اتاپ ءوتتى «SpecialOlympics» باس ديرەكتورى ولگا باحاريەۆا.
1991-جىلدان بەرى مۇمكىندىگى شەكتەۋلى 630 قازاقستاندىق سپورتشى 12 دۇنيەجۇزىلىك ارنايى وليمپيادا ويىندارىنا قاتىسىپ، 198 التىن، 180 كۇمىس پەن 132 قولا مەدالدى جەڭىپ الدى.
«حالىقارالىق الاڭدارداعى جارىستارعا قاتىسا وتىرىپ، ءبىزدىڭ ۇيىم، جاتتىقتىرۋشىلار مەن سپورتشىلار حالىقارالىق قاۋىمداستىق ورتاسىندا قازاقستاندى الەۋمەتتىك دامۋ دەڭگەيى جوعارى دەموكراتيالىق ەل رەتىندە تانىتىپ، وتانىمىزدىڭ بەدەلىن نىعايتۋعا ۇلەس قوسىپ كەلەدى»، - دەدى باحاريەۆا.
ونىڭ ايتۋىنشا، قازاقستاندا اقىل-ويىنىڭ كەمىستىگى بار 100 دەن اسا بالا مەن جاستار ءومىر ءسۇرىپ وتىر.
اۆتور: گۇلميرا عوسمانالي
