رەسەي الەمدەگى دامۋشى مەملەكەتتەر تىزىمىندە 68 - ورىنعا جايعاستى
استانا. قازاقپارات - رەسەي فەدەراتسياسى الەمدەگى دامۋشى مەملەكەتتەر تىزىمىندە 68 - ورىنعا جايعاستى. وسىنداي اقپاراتتى بريتاندىق «Legatum Institute» ورتالىعى ءوزىنىڭ رەسمي سايتىندا جاريالادى.
ايتا وتەيىك، Prosperity Index - ءتىڭ جىل سايىن جاريالايتىن رەيتينگى 8 كريتەري بويىنشا باعالانادى. ونىڭ قورىتىندىسى بويىنشا، بيىل رەسەي ءبىلىم بەرۋ سالاسىندا ايتارلىقتاي جەتىستىككە جەتكەن. بۇل كورسەتكىش جونىنەن مەملەكەت 37- ورىندا تۇر.
ال، بيزنەستىڭ دامۋىنا جاعداي جاساۋ بويىنشا 46 شى، ەكونوميكالىق تۇراقتىلىق بويىنشا 57- ورىنعا جايعاستى. بۇگىندە رەسەيدىڭ باستى پروبلەماسى - تۇرعىنداردىڭ جەكە باس قۇقىعىن شەكتەۋ بولىپ وتىر.
ايتا وتەيىك، ماكەدونيا، سەربيا، البانيا، مولداۆيا مەن بوسنيا سەكىلدى ەۋروپانىڭ ءبىرقاتار مەملەكەتتەرى رەسەيدەن كەيىنگى پوزيتسيالاردى يەلەندى. رەيتينگتىڭ كوشىن نورۆەگيا مەن شۆەيساريا باستاپ تۇر.
«استانا» ارناسى
