12:40, 11 - ناۋرىز 2022 | GMT +6
قازاقستان اسكەر سانى بويىنشا الەمدە 67-ورىندا
نۇر-سۇلتان. قازاقپارات - Global Firepower 2022 رەيتينگىندە قازاقستان بەلسەندى اسكەري پەرسونال سانى بويىنشا الەمنىڭ 142 ەلىنىڭ اراسىندا 67- ورىندا تۇر، دەپ حابارلايدى قازاقپارات ranking.kz-كە سىلتەمەمەن.
رەيتينگ دەرەكتەرى بويىنشا ەلىمىزدەگى اسكەري قىزمەتشىلەردىڭ سانى - 45 مىڭ ادام.
بۇرىنعى ك س ر و ەلدەرى اراسىندا قازاقستان ارميا سانى بويىنشا رەسەي (850 مىڭ)، ۋكراينا (200 مىڭ)، ازەربايجان (65 مىڭ)، وزبەكستان (55 مىڭ) جانە بەلارۋستەن (45 مىڭ) قالىس قالىپ وتىر.
قازاقستان رەيتينگىدە ارمەنيا، تۇرىكمەنستان، قىرعىزستان، تاجىكستان جانە مولدوۆادان جوعارى ورنالاسقان.
اسكەرگە شاقىرۋ جاسىنداعى ازاماتتار سانى بويىنشا قازاقستان 142 ەلدىڭ اراسىندا 70-ورىندا. كورشىلەس ەلدەردەن بۇل كورسەتكىش جاعىنان قازاقستاننان تەك ءۇش ەل - رەسەي، ۋكراينا جانە وزبەكستان عانا الدا.
اۆتور: اقبوپە ءابدراسۋل