قىتايدا ەگىز سابيگە جۇكتى بولىپ قالعان 67 جاستاعى ايەل تۇسىك جاساتۋدان باس تارتتى

 استانا. قازاقپارات - 67 جاستاعى ايەل ەگىز سابيلەرگە جۇكتى بولىپ قالدى. دارىگەرلەر ونىڭ بوسانۋى قاۋىپتى ەكەنىن ايتتى.

قىتايدىق ايەلدىڭ بۇعان دەيىن ءبىر ۇلى بولعان. ءوزى 35 جاستا بولعاندا ۇلى جول اپاتىنان كوز جۇمعان. ول كەزدە «ءبىر وتباسىندا - ءبىر بالا» ساياساتى بولدى. سوندىقتان وتباسىندا باسقا بالا بولماعان.

بالاسىنىڭ قازاسىنان سوڭ بالا اسىراپ الماق بولعاندا، جاسى كەدەرگى بولادى. سوندىقتان ايەل تايۆانعا بارىپ، ەكستراكورپورالدى جولمەن قۇرساق كوتەردى.

پەكينگە كەلىسىمەن ايەلدىڭ ەگىز بالاعا جۇكتى ەكەنى انىقتالدى. دارىگەرلەر ونىڭ بوسانۋى قاۋىپتى ەكەنىن ايتىپ، تۇسىك جاساتۋعا كەڭەس بەرگەن. وعان جوعارى قان قىسىمى سەبەپ. الايدا ايەل ەگىزدەردى ومىرگە اكەلەم دەگەن نيەتتە.

ول بالالارىم 18 گە تولعاندا ءوزىم 85 جاسقا تولام دەپ وتىر. ەگەر ءوزى ومىردەن ەرتە وزسا، بالالارىنا 40 جاستاعى ءىنىسى قارايتىنىن ايتادى.