نەسيەلىك تۇرعىن ءۇي قۇرىلىسىنا ۇلتتىق قوردان قوسىمشا 67 ميلليارد تەڭگە ءبولىندى - ە. دوسايەۆ
بۇل تۋرالى primeminister.kz جازادى.
«ۇلتتىق قوردان جەرگىلىكتى اتقارۋشى ورگاندار ارقىلى نەسيەلىك تۇرعىن ءۇي سالۋعا قوسىمشا 67 ميلليارد تەڭگە ءبولىندى»، - دەدى ە. دوسايەۆ.
ول بارلىق وبلىستاردىڭ، الماتى جانە استانا قالالارىنىڭ جەرگىلىكتى اتقارۋشى ورگاندارى ارنايى قۇندى قاعازدار شىعارۋ مۇمكىندىگى ءۇشىن ەكونوميكا مينيسترلىگى 2016 -جىلعى 7 -ساۋىردە بيۋدجەتتىك كودەكسكە سايكەس وزگەرتۋلەر ەنگىزىلگەنىن، سونداي-اق بيىلعى جىلدىڭ 25 -ساۋىرىندە 2009 -جىلعى 15 -ماۋسىمداعى ق ر ۇكىمەتى قاۋلىسىنا سايكەس وزگەرتۋلەر ەنگىزىلگەنىن ەسكە سالدى.
«بۇگىندە قارجى مينيسترلىگى 2014 -جىلعى 4 -جەلتوقسانداعى № 540 بۇيرىقتى وزگەرتۋ جوباسى بويىنشا كەلىسىمدى اياقتايدى جانە وسى اپتادا ول تىركەلەدى. ودان كەيىن جەرگىلىكتى اتقارۋشى ورگاندار ءوز قاعازدارىن شىعارا الادى. بۇدان وزگە، «بايتەرەكتىڭ» قولداۋحاتى بويىنشا KASE جالعىز ساتىپ الۋشى بولعان جاعدايدا جەرگىلىكتى اتقارۋشى ورگانداردىڭ وسىنداي باعالى قاعازداردى شىعارۋ كەزىندە ماركەت- مەيكەردىڭ(باعالى قاعازداردىڭ ساۋدالاۋشىلارى) بولۋى بويىنشا ءوز تالابىن الىپ تاستادى»، - دەپ مالىمدەدى ە. دوسايەۆ.
ول بورىشتىق قۇندى قاعازداردى شىعارعاننان كەيىن «بايتەرەك» ا ق ولاردى ساتىپ الىپ، جەرگىلىكتى اتقارۋشى ورگاندار تۇرعىن ءۇيدى سالۋدى باستايتىنىن ايتتى.
«جەكەلەگەن وڭىرلەر وسىنداي قۇندى قاعازداردى بولاشاقتا شىعارۋعا قاتىستى تۇرعىن ءۇي سالۋدى باستادى. 2016 -جىلدىڭ سوڭىنا دەيىن اتالعان باعىت بويىنشا الدىندا قاراستىرىلعان 60-تان استام ملرد تەڭگەنىڭ 41,7 ميلليارد تەڭگەسى يگەرىلەدى دەپ كۇتىلۋدە. قالعان قاراجاتتى 2017 -جىلدىڭ ەكىنشى- ءۇشىنشى توقساندا يگەرۋ جوسپارلانعان»، - دەپ مالىمدەدى ۇلتتىق حولدينگ باسشىسى.
