16:07, 14 - ءساۋىر 2016 | GMT +5
الماتىدا ماگيستارتۋرا مەن دوكتورانتۋراعا تۇسىرەمىز دەپ 67 ادامدى الداعان الاياقتار ۇستالدى - فوتو
الماتى. قازاقپارات - الماتىدا ستۋدەنتتەردى الداعان الاياقتار ۇستالدى. بۇل تۋرالى بوستاندىق اۋداندىق ءى ءى ب حابارلادى.
50 جاستاعى جاناربەك بەرەستەنوۆ پەن 41 جاستاعى دينارا سەرىكپايەۆا، 26 جاستاعى ىبىرايىم زاحىروۆ ستۋدەنتتەرگە «ەلدىڭ كەز- كەلگەن ج و و- سىنا ماگيستراتۋرا مەن دوكتورانتۋراسىنا ءتۇسىرىپ بەرەمىن» دەپ ۋادە بەرىپ كەلگەن.
«بۇل ازاماتتار عىلىمي اتاق ىزدەگەن ادامداردى تاۋىپ الىپ، ماگيستراتۋرانىڭ جاڭا تۇرىنە ءتۇسىرىپ كەيىن مەملەكەتتىك شاكىرتاقى الۋعا كومەكتەسەمىز دەپ الداعان. ياعني، «ماگيسترانتتارعا 130 مىڭ تەڭگە، دوكتورانتتارعا 180 مىڭ تەڭگە كولەمىندە ايلىق شاكىرتاقى بەرىلۋى ءتيىس» دەپ الداپ كەلگەن. وسىلايشا 67 ادامدى سازعا وتىرعىزىپ، 178 مىڭ ا ق ش دوللارىن العان. ولاردىڭ 8- ءى شىنىمەن جاپا شەككەنى انىقتالدى»، - دەدى بوستاندىق اۋداندىق ءى ءى ب باسشىسى بەرىك ابىلبەكوۆ.
