ءبىر تاۋلىكتىڭ ىشىندە شەكاراشىلار 67 شەتەلدىك ازاماتتى ۇستادى
اتاپ ايتقاندا، وسى جىلدىڭ 11 -جەلتوقسانى كۇنى 15 ساعات 30 مينۋت شاماسىندا سارىاعاش شەكارا وتريادىنىڭ شەكاراشىلارى رەيد بارىسىندا «قاپلانبەك - اۆتو» باقىلاۋ- وتكىزۋ بەكەتىنىڭ ماڭايىندا زاڭسىز جۇرگەن وزبەكستان رەسپۋبليكاسىنىڭ 42 ازاماتىن ۇستادى. قۇجاتتارىن تەكسەرۋ بارىسىندا ولاردىڭ ءبىزدىڭ ەلىمىزدەن شىعۋ مەرزىمىنىڭ 30 تاۋلىكتەن 150 تاۋلىككە دەيىن سوزىلىپ كەتكەندىگى انىقتالدى.
كوشى- قون زاڭدىلىعىن بۇزعان باسقا ازاماتتار «الماتى»، «قورعاس»، «اتىراۋ- اۆيا»، «قۇرمانعازى- اۆتو»، «جىبەك جولى - اۆتو»، «جايساڭ - اۆتو»، «جاڭاجول- اۆتو»، «بەينەۋ- اۆتو» باقىلاۋ- وتكىزۋ بەكەتتەرىندە قولعا ءتۇستى. ۇستالعانداردىڭ اراسىندا ق ح ر، تۇركيا، قىرعىزستان، تاجىكستان ەلىنىڭ ازاماتتارى كەزدەسەدى.
ق ر اكىمشىلىك- قۇقىقبۇزۋشىلىق كودەكسىنىڭ 517-بابىنا سايكەس ۇستالعانداردىڭ بارلىعى اكىمشىلىك جازاعا تارتىلدى.
