نەكەدە 67 جىل بولعان جۇپ ءبىر كۇندە كوز جۇمدى
Ru. 94 جاستاعى حيۋ نيس پەن ونىڭ 92 جاستاعى ايەلى دجوان بۇگىن تاڭدا ۇيقىدان ويانباي قالدى.
مارقۇمداردىڭ قىزى دجوي ريد «بىزدىڭشە، بۇل ءبىر عاجايىپ وقيعا بولدى، وزدەرى سولاي كوز جۇمعىسى كەلگەن ەدى» دەدى. ول دارىگەرلەردىڭ جاساعان بولجامى بويىنشا، دجواننىڭ كۇيەۋىنەن بۇرىن قايتىس بولۋى كەرەكتىگىن ايتتى. الايدا كۇيەۋى تاڭعى 10.20 دا، ال ونىڭ ايەلىنىڭ ەكى ساعاتتان كەيىن قايتىس بولعانىن ايتىپ بەردى.
Stuff.co.nz سايتىنىڭ مالىمەتىنشە، زەينەتكەرلەردىڭ دەنساۋلىعى سوڭعى ۋاقىتتا كۇرت ناشارلاپ كەتىپتى. سوڭعى ءۇش ايدا ولار ءوز بولمەلەرىنەن شىقپاعان. «ولار بىرگە كوز جۇمعىسى كەلەتىنىن ايتاتىن، ءبىراق مەن ءدال سولاي بولادى دەپ ويلاماپپىن»، - دەدى قىزدارى.
حيۋ مەن دجوان نيستەر 1940 -جىلدارى كەزدەسىپ، سودان بەرى ايىرىلىسپاعان. حاتت باپتيستەردىڭ ءدىن قىزمەتشىسى بولعان، ءار جىلدارى ولار جاڭا زەلانديانىڭ ءار قالاسىندا، سونىمەن قاتار، پاپۋا جاڭا گۆينەيادا تۇرىپ كەلىپتى. ايەلى كۇيەۋىنە شىركەۋدەگى جۇمىسىنا كومەكتەسىپ وتىرىپتى.
ايتا كەتەيىك، وسىعان ۇقساس جاعداي بيىلعى اقپاندا كاليفورنيا شتاتىندا بولعان ەدى. 90 جاستاعى فلويد حارتۆيگ 11 -اقپاندا، ال ونىڭ 89 جاستاعى ايەلى ۆايولەت بىرنەشە ساعاتتان كەيىن قايتىس بولدى. 67 جىل بويى بىرگە ءومىر سۇرگەن جۇپ سوڭعى دەمى شىققانشا قول ۇستاسىپ جاتىپتى.
