جاپونيادا بىرنەشە كۇيەۋىن ءولتىردى دەگەن كۇدىكپەن 67 جاستاعى ايەل ۇستالدى

 استانا. قازاقپارات - جاپونيا پوليسياسى بىرنەشە كۇيەۋى جانە بىرگە تۇرعان كوڭىلدەستەرىن دە ءولتىردى دەگەن كۇدىكپەن 67 جاستاعى ايەلدى قاماۋعا الىپ، ۇيىندە ءتىنتۋ جۇرگىزدى،

دەپ حابارلادى BBC.

 تيساكو كاكەحي ەسىمدى ايەل سارسەنبى كۇنى ءوزىنىڭ سوڭعى كۇيەۋى يساونى تسياندى كاليمەن ۋلاپ ءولتىردى دەگەن كۇدىكپەن قاماۋعا الىنعان. تەكسەرە كەلگەندە بۇل ۋمەن وعان دەيىن دە 2012 - جىلى تاعى ءبىر ەر ادام ولتىرىلگەنى انىقتالدى. ول دا ءومىرىنىڭ سوڭعى كۇندەرىندە كاكەحيمەن كەزدەسكەنى بەلگىلى بولعان.

 تاراتىلعان اقپاراتقا سۇيەنسەك، تاعى ءتورت ەر ادام كاكەحيدى ايەلدىككە العاننان كەيىن نەمەسە ونىمەن كەزدەسىپ جۇرگەندە ومىردەن وتكەن. ال، ول قايتىس بولعان كۇيەۋلەرىنەن 800 مىڭنان استام دوللار «ولجالاپتى».

 الايدا، تيساكو كاكەحيدىڭ ەشكىمدى دە ولتىرمەگەنىن ايتىپ، تاعىلعان كىنانى مويىنداماي وتىر، دەپ جازادى اقپارات كوزى.