بيىل استانادا كەزەكتە تۇرعاندارعا 677 جاڭا پاتەر بەرىلەدى
«مەملەكەتتىك تۇرعىن ءۇي قورىنان بەرىلەتىن پاتەردى ۇ و س مۇگەدەك قاتىسۋشىلارى، جەتىم بالالار، مەملەكەتتىك قىزمەتكەرلەر مەن حالىقتىڭ الەۋمەتتىك وسال توپتارى الادى»، - دەلىنگەن حابارلامادا.
استانا اكىمدىگى جۇرگىزگەن قۇرىلىمداۋ شەڭبەرىندە كوممۋنالدىق تۇرعىن ءۇي قورىنان بەرىلەتىن ءۇيدىڭ فۋنكسياسى جۇمىسپەن قامتۋ جانە الەۋمەتتىك قورعاۋ باسقارماسىنا بەرىلدى.
اتالمىش ۆەدومستۆونىڭ مىندەتىن اتقارۋشى ارتەم ءابىلدينوۆتىڭ ايتۋىنشا، قالاداعى تۇرعىن ءۇي احۋالىنىڭ مونيتورينگىن جاقسارتۋ ماقساتىندا كوممۋنالدىق مەملەكەتتىك مەكەمە - استانا اكىمدىگىنىڭ تۇرعىن ءۇي قورى قۇرىلدى.
«قور يەسىز قالعان ءۇي- جايلاردى انىقتاۋمەن اينالىسادى. جالعا بەرۋشىلەردىڭ مىندەتتەمەلەرىن دۇرىس ورىنداۋىنا مونيتورينگ جاسايدى. بۇل - تۇرعىن ءۇيدىڭ جالعا الۋدىڭ تولەمىن جاساۋ جانە تۇرعىن ءۇي ماقساتىنا ساي پايدالانۋعا قاتىستى. سونىمەن قاتار باسپاناعا مۇقتاجدار تىزىمىندەگى تۇرعىنداردىڭ ينتەريورلىق ءتىزىمىن جاسايدى، دايىن پاتەرلەردىڭ تۇرعىندار قونىستانۋىنا ازىرلىگىن زەردەلەيدى»، - دەپ ءتۇسىندىردى ا. ءابىلدينوۆ.
جىلدىڭ سوڭىنا دەيىن مىڭنان استام پاتەر پايدالانۋعا بەرىلەدى دەپ جوسپارلانۋدا.
«تۇرعىن ءۇي قۇرىلىس جيناق بانكىنىڭ سالىمشىلارى ءۇشىن جالپى الاڭى 22,58 مىڭ شارشى مەتر 364 پاتەر، «قازاقستان يپوتەكالىق كومپانياسى» يپوتەكالىق ۇيىمى» ا ق باسپاناسى» باعدارلاماسى بويىنشا 80 پاتەر جانە كەزەكتەگىلەر ءۇشىن جالپى الاڭى 38 مىڭ شارشى مەتر 677 پاتەر بەرىلەدى»، - دەپ مالىمدەدى ا. ءابىلدينوۆ.
