02:19, 08 - قازان 2017 | GMT +5
شىمكەنتتىك 675 وتباسى باسپانالى بولدى - فوتو
شىمكەنت. قازاقپارات - كەشە شىمكەنتتە 675 وتباسى باسپانالى بولدى، دەپ حابارلايدى و ق و اكىمىنىڭ باسپا ءسوز قىزمەتى. نۇرسات شاعىن اۋدانىنداعى 35 پاتەرلى قىزمەتتىك ءۇي مەن تۇران شاعىن اۋدانىنداعى بەس قاباتتى 16 ءۇيدىڭ پاتەر كىلتتەرىن وبلىس اكىمى جانسەيىت تۇيمەبايەۆ سالتاناتتى تۇردە تابىستادى.
قونىس يەلەرىن قۇتتىقتاعان ايماق باسشىسى حالىقتى باسپانامەن قامتاماسىز ەتۋ ماقساتىندا قالادا سوڭعى جىلدارى تۇرعىن ءۇي سالۋ جۇمىسى قارقىن العانىن ايتتى. اكىمشىلىك- ىسكەرلىك ورتالىعىندا ورنالاسقان 35 پاتەرلى قىزمەتتىك ءۇيدى باسپانا كەزەگىندە تۇرعان - مادەنيەت سالاسى، اسكەريلەر مەن مەملەكەتتىك جانە بيۋدجەتتىك قىزمەتكەرلەر الدى.
ال، تۇران شاعىن اۋدانىنداعى 640 پاتەرلى كوپقاباتتى تۇرعىن ءۇي «نۇرلى جەر» باعدارلاماسى اياسىندا «بايتەرەك ديەۆەلوپمەنت» ا ق- نىڭ ەسەبىنەن سالىنعان. مۇنداعى 339 پاتەر جەرگىلىكتى اتقارۋشى ورگانداردا باسپانا كەزەگىندە تۇرعاندار اراسىندا ءبولىندى. وڭتۇستىك قازاقستاندا 2017 -جىلى 263 ءۇيدىڭ قۇرىلىس جۇرگىزىلىپ، جىل سوڭىنا دەيىن 116 ءۇيدىڭ قۇرىلىسى اياقتالادى. وسىنىڭ ناتيجەسىندە جىل سوڭىندا 6000 وتباسى باسپانالى بولادى.
