قاڭتار وقيعالارىندا 673 ازاماتتىق تۇلعاعا وق ءتيدى - ءى ءى م
«مۇلىكتىك سيپاتتاعى قىلمىستارمەن قاتار ىشكى ىستەر ورگاندارى قاڭتار وقيعالارى كەزىندە ادامداردىڭ قايتىس بولۋى جانە ولاردىڭ جاراقات الۋ فاكتىلەرىن تەرگەۋدە. ماسەلەن، دەنساۋلىق ساقتاۋ مينيسترلىگىنىڭ دەرەكتەرى بويىنشا قاڭتار وقيعالارى بارىسىندا 126 ادام، ونىڭ ىشىندە 673 ءى وق-ءدارى جاراقاتتارمەن، 469 ى پىشاقتالعان جانە تەسىلگەن جاراقاتتارمەن، 431 ءى دەنە جاراقاتتارىمەن مەديتسينالىق كومەككە جۇگىنگەن. مەديتسينالىق كومەككە جۇگىنگەن ازاماتتاردىڭ باسىم بولىگى الماتى قالاسىندا - 686، الماتى وبلىسىندا - 336، قىزىلوردا وبلىسىندا - 164، جامبىل وبلىسىندا - 153، شىمكەنت قالاسى مەن شىعىس قازاقستان وبلىسىندا 126 ادام»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.
ءى ءى م وكىلى بۇل مالىمەتتەر تەك ازاماتتىق تۇلعالارعا قاتىستى ەكەندىگىن ايتادى.
«ولاردىڭ ءبىرقاتارى جاراقاتتاردى مەملەكەتتىك مەكەمەلەر نىساندارىنا جانە قوعامدىق ءتارتىپتى قورعاۋدى قامتاماسىز ەتكەن قىزمەتكەرلەرگە شابۋىل جاساۋ ۋاقىتىندا العانى كۇمانسىز. نەگىزىنەن ونى بەينەجازبالار دالەلدەيدى. باسقا جاعدايلار كەزىندە دەنە جاراقاتتارىن الۋدىڭ ءمان-جايلارىن انىقتاۋ بويىنشا جۇمىس جالعاسۋدا»، - دەدى سانجار ءادىلوۆ.
