ەرلان بىلالدەن 670 مىڭ تەڭگەنى قايتارۋ تالاپ ەتىلدى
ەرلان ءبىلالدىڭ قورعاۋشىسى تاعى دا ءىستى ب ا ق- تىڭ قاتىسۋىنسىز قاراۋ تۋرالى ءوتىنىش ءبىلدىردى. وسى ءىس بويىنشا كۋاگەر بولىپ وتىرعان قايرات بايانوۆتىڭ قورعاۋشىسى ونى ازاماتتىق تالاپ قويۋشى دەپ تانۋدى سۇرادى.
«ءبىز بايانوۆتى قىلمىستىق پروتسەستە ازاماتتىق تالاپ قويۋشى دەپ تانۋ تۋرالى ءوتىنىش بەردىك. ايىپتاۋ اكتىسىمەن بەلگىلەنگەن، ونىڭ ۇستىنە ايىپتالۋشىنىڭ ءوزى دە جوققا شىعارماي وتىرعان جايت، ول بايانوۆتان 600 مىڭ تەڭگە مولشەرىندە اقشا العان. ءبىز بۇل اقشانى يەسىنە قايتارۋ تۋرالى ازاماتتىق تالاپ قويدىق. جالپى شىعىن مولشەرى 600 مىڭ تەڭگە - بايانوۆ ءوز قاراجاتتارى ەسەبىنەن بەرگەن سوما. ول قىلمىستىق ءىستىڭ ماتەريالدارىنا قوسىلعان جوق. ءبىز، سونداي-اق بايانوۆقا كەلتىرىلگەن مۇلىكتىك زالالدى دا قوستىق، قورعاۋشى شىعىنىنا 50 مىڭ تەڭگە، وسى ىسكە قاتىستى كۋاگەرگە جۇكتەلگەن وزگە شىعىندار ءۇشىن 21 مىڭ تەڭگە. وسى قاراجاتتى وتەۋدى سۇرايمىز»، - دەدى جۋرناليستەرگە قايرات بايانوۆتىڭ قورعاۋشىسى راميليا مۇحامەديەۆا سوت وتىرىسىنان كەيىن.
ەسكە سالا كەتەيىك، جۋرناليستەردىڭ اۋديوجازبا، فوتو-ۆيدەوتۇسىرىلىمدەر جۇرگىزۋىنە تىيىم سالىنعان. ءبىراق ولارعا پروتسەسكە قاتىسۋعا رۇقسات بەرىلگەن. سوتقا سۋديا قۋانىش اريپوۆ تورەلىك ەتۋدە.
سوتقا دەيىنگى تەرگەپ-تەكسەرۋ ورگانىنىڭ مالىمەتتەرىنە قاراعاندا، ەرلان ءبىلال «سەزام» قوعامدىق قايىرىمدىلىق شىعارماشىلىق قورىنىڭ پرەزيدەنتى قايرات بايانوۆتان م. اۋەزوۆ اتىنداعى دراما تەاترىندا جاڭاجىلدىق سپەكتاكلدەر وتكىزۋ ءۇشىن 1,5 ميلليون تەڭگە مولشەرىندە پارا الماق بولعان.
قايرات بايانوۆ ىسكە ازىرشە كۋاگەر رەتىندە قاتىسىپ وتىر.
ەسكە سالا كەتەيىك، م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى ەرلان ءبىلال 1,5 ميلليون تەڭگە مولشەرىندە پارا الماق بولعان جەرىندە ۇستالعان. وعان قاتىستى ق ر ق ك 366-بابىنىڭ («پارا الۋ») 2-بولىگىنە، 24-بابىنىڭ 3-بولىگىنە سايكەس ءىس قوزعالدى. بۇرىن سوت ەرلان بىلالگە بۇلتارتپاۋ شاراسىن قولدانىپ، كەپىلمەن بوساتقان بولاتىن. ول 1 ميلليون 205 مىڭ تەڭگە مولشەرىندە كەپىل تولەدى.
