قازاقستاندىقتار تۇلەكتەر حالىقارالىق جاۋتىكوۆ وليمپياداسىندا قازاقستاندىقتار 66 مەدال جەڭىپ الدى
قازاقستاننان قۇرامىندا 250 وقۋشىسى بار 35 كوماندا باق سىنادى. بۇل تۋرالى قازاقپارات وقۋ-اعارتۋ مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
ءداستۇرلى حالىقارالىق جاۋتىكوۆ وليمپياداسىنا قازاقستان، ازەربايجان، وزبەكستان، رەسەي، گرۋزيا، رۋمىنيا، سەربيا، ۋكراينا، ءۇندىستان، تۇركيا، ۇلى بريتانيا جانە باسقا دا ەلدەردىڭ فيزيكا-ماتەماتيكا باعىتىنداعى مامانداندىرىلعان مەكتەپتەرىنەن جالپى 1200 دەن اسا وقۋشى قاتىستى.
قازاقستاندىق وقۋشىلار ⅩⅨ حالىقارالىق جاۋتىكوۆ وليمپياداسىندا 66 مەدال جەڭىپ الدى، ونىڭ ىشىندە 6 التىن، 20 كۇمىس جانە 40 قولا. جەڭىمپازدار ەلىمىزدىڭ جەتەكشى جوعارى وقۋ ورىندارىنىڭ اتاۋلى سىيلىقتارى مەن ءبىلىم گرانتتارىن يەلەندى.
«حالىقارالىق جاۋتىكوۆ وليمپياداسى وقۋشىلار اراسىندا تانىمال بولا ءتۇستى. وليمپيادا كەزىندە قاتىسۋشىلار كۇردەلى ماتەماتيكالىق ەسەپتەردى شەشەدى. مۇنداي زياتكەرلىك كونكۋرستار ولاردىڭ ءبىلىمىن تەرەڭدەتىپ قانا قويماي، بالالاردى كوماندادا جۇمىس ىستەۋگە، دوستىق قارىم-قاتىناس ورناتۋعا ۇيرەتەدى»، - دەپ اتاپ ءوتتى ر ف م م باسقارما ءتوراعاسى رۋسلان قاليەۆ.
ايتا كەتەيىك، وليمپيادا رەسپۋبليكالىق فيزيكا-ماتەماتيكا مەكتەبىنىڭ بازاسىندا ءوتتى.
بۇعان دەيىن حابارلاعانىمىزداي، ⅩⅨحالىقارالىق جاۋتىكوۆ وليمپياداسى 1-اقپان كۇنى الماتىدا باستالعان بولاتىن.
