مۇحيتتا موتورى بۇزىلعان قايىقپەن 66 كۇن بويى جۇزگەن ادام اجالدان امان قالدى

استانا. قازاقپارات - «پەرىشتە» دەپ اتالاتىن قايىقپەن بالىق اۋلاۋعا شىعىپ كەتكەن جىگىت اعاسىنا قاڭتاردىڭ سوڭىندا ىزدەۋ جاريالانعان. ارتىنشا 37 جاستاعى لۋيس دجوردان حابار-وشارسىز كەتكەن بولىپ جاريالاندى.

ونى ىزدەستىرۋگە شىققان ا ق ش جاعالاۋ كۇزەتى ماياميدەن باستاپ، نيۋ-دجەرسيگە دەيىنگى پورتتاردىڭ بارلىعىمەن بايلانىسقا شىقتى. ال شەكاراشىلار دجورداننىڭ ناقتى قاي باعىتتا شىعىپ كەتكەنىن ءبىلىپ المايىنشا، بالىقشىنى قايدان ىزدەستىرەرىن بىلمەپتى.

ابىروي بولعاندا، ونىڭ قايىعىن گاتتەراس بۇعازىنان 360 شاقىرىم جەردە سول ماڭايمەن ءجۇزىپ وتكەن نەمىس تەڭىزشىلەرى بايقاپ قالىپ، ونى كەمەلەرىنە مىنگىزىپ الىپتى. مۇحيتتا 66 كۇن وتكىزىپ، اجالدان امان قالعان جىگىت اعاسى سول ۋاقىت بويى اۋلاعان بالىعىن قورەك ەتىپ، جاڭبىر سۋىن ىشكەندىگىن ايتۋدا، دەپ حابارلايدى russian.rt.com.

دايىنداعان: گ. ابيلوۆا

www.24.kz