نۇر-سۇلتاندا بيىل 667 قىلمىس بەينەكامەرانىڭ كومەگىمەن اشىلعان

نۇر-سۇلتان. قازاقپارات - استانادا جىل باسىنان بەرى بەينەكامەرالاردىڭ كومەگىمەن 667 قىلمىس اشىلدى.
None
None

بۇل تۋرالى نۇر-سۇلتان قالالىق پوليتسيا دەپارتامەنتى جەدەل باسقارۋ ورتالىعىنىڭ باستىعى، پوليتسيا پودپولكوۆنيگى قايرات راۋشانوۆ ءمالىم ەتتى، دەپ حابارلايدى قازاقپارات.

«جىل باسىنان بەرى بەينەكامەرالاردىڭ كومەگىمەن 667 قىلمىس جانە 8 مىڭنان استام اكىمشىلىك قۇقىق بۇزۋشىلىق اشكەرەلەندى. ونىڭ ىشىندە كىشىگىرىم بۇزاقىلىق، قوعامدىق ورىندا ىشىمدىك ءىشۋ، جول ءجۇرۋ ەرەجەسىن بۇزۋ سىندى قۇقىق بۇزۋشىلىقتار بار»، - دەدى قايرات راۋشانوۆ ب ا ق وكىلدەرىنە ارنالعان بريفينگ بارىسىندا.

ونىڭ اتاپ وتۋىنشە، جىل سايىن بەينەباقىلاۋ جۇيەلەرىن، ونىڭ ىشىندە مەملەكەتتىك- جەكەشەلىك ارىپتەستىك اياسىندا ءوزارا ءىس-قيمىل باعدارلامالارىن ودان ءارى دامىتۋ جوسپارلى تۇردە جۇرگىزىلىپ كەلەدى.

ماسەلەن، 2021 -جىلى «اشىق پلاتفورماعا كوشە وتىرىپ، جبو بەينەباقىلاۋ جۇيەسىن جاڭعىرتۋ جوباسى ەنگىزىلدى. وسى جوبانى ىسكە اسىرۋ بارىسىندا جاڭا سەرۆەرلىك جابدىق ورناتىلدى. جەدەل باسقارۋ ورتالىعى بەينەباقىلاۋ وپەراتورلارىنىڭ جۇمىس ورنى جاڭارتىلدى.

«قازىرگى ۋاقىتتا ەلوردالىق پوليتسيا دەپارتامەنتى 28 مىڭنان استام باقىلاۋ كامەراسىن پايدالانىپ وتىر. ولاردىڭ نەگىزگى بولىگى مەملەكەتتىك- جەكەشەلىك ارىپتەستىك اياسىندا ورناتىلعان. مىسالى، «سەرگەك» اقپاراتتىق- باعدارلامالىق كەشەنىنىڭ 13 مىڭ كامەراسى، مەملەكەتتىك ءبىلىم بەرۋ مەكەمەلەرىندە ورناتىلعان 4 مىڭنان استام كامەرا، تۇرعىن ۇيلەردىڭ كىرەبەرىستەرىندەگى 5,5 مىڭ كامەرا بار»، - دەدى ورتالىق باسشىسى.

سوڭعى جاڭالىقتار