قازاقستان سيريا، تاجىكستان جانە قىرعىزستانعا 662 ميلليون تەڭگە گۋمانيتارلىق كومەك ءبولدى
قازاقستان رەسپۋبليكاسى ۇكىمەتىنىڭ سايكەسىنشە قاۋلىسىنا 2017 -جىلدىڭ 20 - جەلتوقسانىندا قول قويىلعان جانە ول «ادىلەت» اقپاراتتىق- قۇقىقتىق جۇيەسىنىڭ سايتىندا جاريالاندى. قۇجاتقا سايكەس ق ر ۇكىمەتىنىڭ «قازاقستان رەسپۋبليكاسى ۇكىمەتىنىڭ توتەنشە رەزەرۆىنەن قاراجات ءبولۋ تۋرالى» 2017 -جىلعى 25 - مامىرداعى № 288 جانە «تاجىكستان رەسپۋبليكاسىنا رەسمي ىزگىلىك كومەك كورسەتۋ تۋرالى» 2017 -جىلعى 8 - قاراشاداعى № 721 قاۋلىلارىنا وزگەرىستەر ەنگىزىلگەن.
«قازاقستان رەسپۋبليكاسىنىڭ قورعانىس جانە ايروعارىش ونەركاسىبى مينيسترلىگىنە 2016 - جىلى مەملەكەتتىك ماتەريالدىق رەزەرۆتەن بروننان شىعارىلعان ماتەريالدىق قۇندىلىقتاردىڭ قۇنىن وتەۋ ءۇشىن 2017 -جىلعا ارنالعان رەسپۋبليكالىق بيۋدجەتتە كوزدەلگەن قازاقستان رەسپۋبليكاسىنىڭ جانە باسقا مەملەكەتتەردىڭ اۋماعىنداعى تابيعي جانە تەحنوگەندىك سيپاتتاعى توتەنشە جاعدايلاردى جويۋعا ارنالعان قازاقستان رەسپۋبليكاسى ۇكىمەتىنىڭ توتەنشە رەزەرۆىنەن 662689013,92 (التى ءجۇز الپىس ەكى ميلليون التى ءجۇز سەكسەن توعىز مىڭ ون ءۇش تەڭگە توقسان ەكى تيىن) تەڭگە مولشەرىندە اقشا قاراجاتى ءبولىنسىن»، - دەلىنگەن قۇجاتتا.
ونىڭ ىشىندە تاجىكستان رەسپۋبليكاسىنا رەسمي ىزگىلىك كومەك كورسەتۋ ءۇشىن 276790000 (ەكى ءجۇز جەتپىس التى ميلليون جەتى ءجۇز توقسان مىڭ) تەڭگە سوماسىندا، قىرعىز رەسپۋبليكاسىنا رەسمي ىزگىلىك كومەك كورسەتۋ ءۇشىن 200281141,92 (ەكى ءجۇز ميلليون ەكى ءجۇز سەكسەن ءبىر مىڭ ءبىر ءجۇز قىرىق ءبىر تەڭگە توقسان ەكى تيىن) تەڭگە سوماسىندا، سيريا اراب رەسپۋبليكاسىنا رەسمي ىزگىلىك كومەك كورسەتۋ ءۇشىن 185617872 ء(بىر ءجۇز سەكسەن بەس ميلليون التى ءجۇز ون جەتى مىڭ سەگىز ءجۇز جەتپىس ەكى) تەڭگە سوماسىندا اقشا قاراجاتى ءبولىنىپ وتىر.
سونىمەن قاتار قازاقستان رەسپۋبليكاسىنىڭ قورعانىس جانە ايەروعارىش ونەركاسىبى مينيسترلىگىنە تاجىكستان رەسپۋبليكاسىنا ىزگىلىك كومەك كورسەتۋ ءۇشىن 986,534 (توعىز ءجۇز سەكسەن التى توننا بەس ءجۇز وتىز ءتورت كيلوگرام) توننا كولەمىندە مازۋت ساتىپ الۋعا 2017 -جىلعا ارنالعان رەسپۋبليكالىق بيۋدجەتتە كوزدەلگەن قازاقستان رەسپۋبليكاسى ۇكىمەتىنىڭ توتەنشە رەزەرۆىنەن 101015634,8 (ءبىر ءجۇز ءبىر ميلليون ون بەس مىڭ التى ءجۇز وتىز ءتورت تەڭگە سەكسەن تيىن) تەڭگە مولشەرىندە اقشالاي قاراجات بولىنەدى.
قاۋلى قول قويىلعان كۇنىنەن باستاپ قولدانىسقا ەنگىزىلەدى.
اۆتور: مارلان جيەمباي
