قازاقستان گەندەرلىك تەڭدىك بويىنشا الەمدىك رەيتينگىدە 65-ورىنعا كوتەرىلدى
بۇل تۋرالى ورتالىق كوممۋنيكاتسيالار قىزمەتىندەگى بريفينگىدە ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتوراعاسىنىڭ ورىنباسارى ەلەنا تاراسەنكو ايتتى، دەپ حابارلايدى قازاقپارات ءتىلشىسى.
«ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا 20 جىلدان استام ۋاقىت ىشىندە حالىقارالىق قوعامداستىقتىڭ جاۋاپتى مۇشەسى رەتىندە ءوزىن قالىپتاستىرا ءبىلدى. ۇلتتىق كوميسسيا قازاقستانداعى بارلىق ايەلدەر مەن قىزداردىڭ قۇقىقتارى مەن مۇمكىندىكتەرىن كەڭەيتۋدە، گەندەرلىك تەڭدىكتى قالىپتاستىرۋدا ءىرى جوبالاردى ىسكە اسىرىپ، ماسەلەلەردى ۋاقتىلى شەشىپ كەلەدى. جۇرگىزىلىپ جاتقان جۇمىستىڭ ناتيجەسىندە قازاقستان گەندەرلىك تەڭدىك بويىنشا ءوز كورسەتكىشتەرىن جاقسارتتى. دۇنيەجۇزىلىك ەكونوميكالىق فورۋمنىڭ زەرتتەۋىنە سايكەس، ەلىمىز 80-ورىننان 65-ورىنعا كوتەرىلدى»، - دەدى ەلەنا تاراسەنكو.
سونىمەن قاتار، ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ بيىلعى جۇمىستارىنىڭ قورىتىندىسى ءمالىم ەتىلگەن بريفينگىدە وتباسىن قولداۋ ورتالىقتارىنىڭ سانىن كوبەيتۋ جوسپارلانعانى ايتىلدى.
