استاناداعى مەديتسينالىق تۋريزم: 65 مىڭ ناۋقاس وڭىرلەردەن كەلىپ ەمدەلدى
ونىڭ ايتۋىنشا، قازىرگى ۋاقىتتا استانا قالاسىنىڭ قوعامدىق دەنساۋلىق ساقتاۋ باسقارماسى قاراماعىندا 37 مەديتسينالىق ۇيىم جۇمىس ىستەيدى.
«قالا قارقىندى دامىپ كەلەدى، جىل سايىن ەلوردادا 30 مىڭعا جۋىق نارەستە دۇنيەگە كەلەدى. جىل سايىن ىشكى مەديتسينالىق تۋريزم شەڭبەرىندە وزگە وبلىستاردان كەلەتىن 65 مىڭنان استام ناۋقاس ساپالى ەم الادى. قازىرگى ۋاقىتتا استانادا ەمدەلەتىن ءاربىر 5- ناۋقاس - وزگە وڭىرلەردىڭ تۇرعىندارى.
دەنساۋلىق ساقتاۋدى دامىتۋعا ارنالعان مەملەكەتتىك باعدارلامالار ارقاسىندا ءومىر ءسۇرۋ ۇزاقتىعىنىڭ ايتارلىقتاي وسۋىنە قول جەتكىزدىك. بۇگىندە ەلوردادا ءومىر ءسۇرۋ ۇزاقتىعى 76,2 جاستى قۇرادى، بۇل رەسپۋبليكا بويىنشا ەڭ جوعارى كورسەتكىش» ، - دەپ اتاپ ءوتتى ءا. رۇستەموۆا استانا اكىمدىگىندە وتكەن باسپا ءسوز ءماسليحاتىندا.
20 جىلدا استاناداعى تۋۋ كورسەتكىشى 2,3 ەسەگە وسكەن جانە ءولىم دەڭگەيى 2,8 ەسەگە تومەندەگەن. سونداي- اق، بۇل ۋاقىتتا قالادا تۋبەركۋلەزدەن كوز جۇمعاندار سانى 18,6 ەسەگە، ميوكارد ينفاركتىنەن قايتىس بولعاندار - 4 ەسەگە، انا ءولىمى - 11,8 ەسەگە جانە ءسابي ءولىمى - 3,5 ەسە تومەندەدى.
«2018 -جىلدىڭ ءبىرىنشى جارتىسىندا باسقارماعا قاراستى اۋرۋحانالاردا 25 مىڭنان استام پاتسيەنت ەمدەلىپ، 4500-دەن استام وتا جاسالدى، ونىڭ ىشىندە 1691 وتادا جوعارى تەحنولوگيالى مەديتسينالىق قىزمەت كورسەتىلگەن. « SMART مەديسينا» جوباسىن ىسكە اسىرۋدا دا بەلسەندى جۇمىستار جۇرگىزىپ جاتىرمىز. قۇجاتتامانى تسيفرلاۋ بويىنشا 800 مىڭنان استام مەديتسينالىق قۇجاتتار ەلەكتروندىق فورماتقا كوشىرىلدى»، - دەپ اتاپ ءوتتى ءا. رۇستەموۆا.
باسقارما وكىلىنىڭ ايتۋىنشا، قازىرگى ۋاقىتتا استانا تۇرعىندارىنىڭ % 93 ەلەكتروندى دەنساۋلىق پاسپورتىنا يە بولدى. بۇل پاسپورتتار بولاشاقتا جاڭا دەرەكتەرمەن تولىعىپ، ناۋقاس تۋرالى بارلىق اقپاراتتى ساقتايتىن بولادى.
اۆتور: ايجان سەرىكجان قىزى
