قىتايدا 65 ادام الەۋمەتتىك جەلىدەگى الاياقتىق ءۇشىن تۇرمەگە قامالدى

 استانا. قازاقپارات - قىتايدىڭ سولتۇستىك بولىگىندەگى نينسيا- حۋەي اۆتونوميالىق اۋدانىنداعى گۋيۋان قالاسىندا حالىقتىق سوت 65 ادامدى الەۋمەتتىك جەلى مەن تانىسۋ سايتتارىنداعى الاياقتىق ارەكەتى ءۇشىن 14 جىلعا دەيىن باس بوستاندىعىنان ايىردى، دەپ حابارلايدى ria.ru سايتى.

تەرگەۋ ماتەريالدارىنا سايكەس، الەۋمەتتىك جەلى مەن تانىسۋ سايتتارىن قولداناتىن جالعىزباستى ادامدار الاياقتاردىڭ قۇربانى بولعان. الاياقتار ءوزىن جانى جابىرقاپ جۇرگەن، ومىرلىك سەرىك ىزدەگەن ايەل رەتىندە تانىستىرىپ، قۇرباندارىنان كەزدەسۋ ءۇشىن پويىز، ۇشاق بيلەتتەرىنە نەمەسە باسقا دا قاجەتتىلىكتەرى ءۇشىن اقشا سۇراپ، قالتالارىن قاعىپ وتىرعان.

2016 -جىلدىڭ قاڭتار ايى مەن جەلتوقسان ايى ارالىعىندا ولار 130 ادامدى الداپ، 9,2 ميلليون يۋاننان استام (شامامەن 1,4 ميلليون دوللار) پايدا تاپقان.

الاياقتار توبىنىڭ باسشىسى 14 جىلعا باس بوستاندىعىنان ايىرىلىپ، 100 مىڭ يۋان كولەمىندە (شامامەن 16 مىڭ دوللار) ايىپپۇل تولەيدى. ال قالعان 64 الاياق كىناسىنىڭ دارەجەسى مەن اۋىرلىعىنا بايلانىستى ءارتۇرلى مەرزىمگە، ەڭ ۇزاعى 12 جىلعا باس بوستاندىعىنان ايىرىلادى.

Baq.kz