22:37, 14 - قىركۇيەك 2016 | GMT +5
قوستانايدا قۇرىلىس ماتەريالدارىن ساتاتىن دۇكەندەگى سەيفتەن 65 ميلليون تەڭگە ۇرلاندى
قوستاناي. قازاقپارات - قوستانايدا قۇرىلىس ماتەريالدارىن ساتاتىن دۇكەندەردىڭ بىرىندە اقشا سالىنعان سەيف ۇرىلارعا وڭاي ولجا بولدى. قىلمىسكەرلەر ءىرى سومادا اقشا سالىنعان سەيف تۇرعان ءۇي-جايعا پلاستيكالىق تەرەزە ارقىلى كىرگەن.
ولار جالپى كولەمى 65 ميلليون تەڭگە بولاتىن ءتۇرلى ۆاليۋتاداعى قاراجاتتى قولدى ەتتى. بۇل تۋرالى وبلىستىڭ ءى ءى د باسپا ءسوز قىزمەتىنەن حابارلادى.
«سەيفتە 11,5 ميلليون تەڭگە، 300 مىڭ رەسەي ءرۋبلى، 150 مىڭ ا ق ش دوللارى بولعان، - دەپ ءتۇسىندىردى باسپا ءسوز قىزمەتىندە. - جالپى شىعىن 64 ميلليون تەڭگەدەن استامدى قۇرادى. قىلمىسكەرلەردى ىزدەۋ شاراسى قابىلداندى».
تەرگەۋ ناتيجەسى جايلى ازىرگە جاڭالىق جوق.
