استانادا بارلىق سالىق تۇسىمدەرىنىڭ 65 پايىزى شاعىن جانە ورتا بيزنەسكە تيەسىلى
بۇل تۋرالى بۇگىن «ەلوردا» بيزنەس فورۋمىندا استانا قالالىق كاسىپكەرلەر پالاتاسىنىڭ ديرەكتورى عاني تاسماعامبەتوۆ ءمالىم ەتتى.
«تولىقتاي العاندا استانانىڭ ىشكى جالپى ءونىمى 4,2 تريلليون تەڭگەنى قۇرايدى. شاعىن جانە ورتا بيزنەس وندىرەتىن ءونىم ۇلەسى 61 پايىزعا تەڭ. ال بارلىق سالىق تۇسىمدەرىنىڭ 65 پايىزى شاعىن جانە ورتا بيزنەسكە تيەسىلى. قالا ەكونوميكاسىنا شاعىن جانە ورتا بيزنەستىڭ قاتىسۋى قازاقستان بويىنشا ورتاشا كورسەتكىشتەن 3 ەسە ارتىق. استاناداعى شاعىن جانە ورتا بيزنەس بارىنشا بەلسەندى»، - دەدى ول.
ع. تاسماعامبەتوۆتىڭ اتاپ وتۋىنشە، قالا يننوۆاتسيا بويىنشا دا كوش باستاپ كەلەدى. ەلىمىزدە وندىرىلەتىن بارلىق يننوۆاتسيالىق ونىمدەردىڭ بەستەن ءبىرىن ەلوردالىق كومپانيالار وندىرەدى. جالپى، بۇگىندە استانا قازاقستاننىڭ جالپى ءونىمىنىڭ وننان ءبىرىن بەرىپ وتىر. سونىمەن قاتار ول اعىمداعى جىلى جاس كاسىپكەرلىك پەن ساۋدانى قولداۋعا 600 ميلليون تەڭگە بولىنگەنىن اتاپ ءوتتى. بۇعان قوسا، ەكىنشى جارتىجىلدىقتا جاڭا باعدارلامانى قارجىلاندىرىلۋى باستالادى. ونىڭ اياسىندا ستارتاپ- جوبالارعا 2 ميلليارد تەڭگە باعىتتالادى.
اۆتور: مارلان جيەمباي
