دەپۋتاتتار 65 ميلليون ەۋرو تۇراتىن اۆتوبۋستار ساتىپ الۋ باستاماسىنا قارسى
استانا بيلىگى نەسيەگە 65 ميلليون ەۋرو الىپ، وعان مۇگەدەكتەر مەن بالالارىن بەسىك اربامەن سۇيرەگەن انالارعا 200 اۆتوبۋس ساتىپ الماق نيەتتە. بانكتەردىڭ بىرىمەن كەلىسسوزدەر باستالىپ تا كەتكەن. بۇل ۇسىنىستى حالىق كوممۋنيستەرى سىنعا الدى. ۆلاديسلاۆ كوساريەۆ ءبىر اۆتوبۋسقا 325 مىڭ ەۋرونى داعدارىس ۋاقىتىندا اقىلعا قونىمسىز شىعىن دەپ سانايدى.
«مەن بۇگىندە قارىزعا كىرۋ قاجەت دەپ سانامايمىن، سەبەبى قازىر ماستاناتىن ۋاقىت ەمەس. بالكىم ءبىر-ەكى جىل كۇتە تۇرعان دۇرىس بولار. ال «ەكسپوعا» كەلەر بولساق، ولاردى 2017 -جىلدىڭ قاڭتارىندا ساتىپ الىپ، قولدانىسقا ەنگىزۋگە بولادى. ەگەر اكىم قالاسا، 2017 -جىلدىڭ قاڭتارىندا اۆتوبۋس پاركىن %80- عا جاڭارتا الادى»، - دەدى ءماجىلىس دەپۋتاتى ۆلاديسلاۆ كوساريەۆ.
اۆتوبۋستار قانداي ماركادا ەكەنى بەلگىسىز. بايقاۋ ءالى جاريالانبادى. الايدا تاسىمالداۋشىلاردىڭ وزدەرى ەۋروپالىق وندىرۋشىلەر بولۋى ءتيىس دەپ بولجاپ وتىر. سەبەبى ولاردى ديللەردەن الۋدىڭ ورتاشا قۇنى - 200 مىڭ ەۋرو. بۇل اقشاعا قازاقستاندا استانانىڭ جاڭا تۇرعىن ءۇي كەشەنىنەن 7 ءبىر بولمەلى پاتەر، 200 گەكتار جەرى بار شارۋا قوجالىعىن، كارلوۆى ۆارىدان ەكى بولمەلى پاتەر، تۇركيانىڭ انتالياسىنان باسسەينى بار 4 بولمەلى ءۇي ساتىپ الۋعا بولادى.
بۇل جوبانىڭ قۇنى داعدارىس ۋاقىتىندا ۇسىنىلماعاندا مۇنشالىق نازارعا ىلىكپەس ەدى. ال قازىر، ءتىپتى پرەزيدەنت بارىنشا ۇنەمدەۋگە شاقىرعان بولاتىن.
«2007-2009 -جىلعى داعدارىس مۇلدەم باسقا بولاتىن. ول داعدارىس قازىرگىمەن سالىستىرعاندا الدەقايدا جەڭىل ءوتتى دەۋگە دە بولادى. بىزگە دايىندالۋ كەرەك»، - دەدى نازاربايەۆ.
ال قارىز الۋشىلار مىندەتىن ءوز موينىنا العاندار بولسا، 65 ميلليون ەۋروعا نەسيە الىپ، اۆتوبۋستار ساتىپ الۋ اۋاداي قاجەت ەكەنىنە سەنىمدى. ولاردىڭ ايتۋىنشا، استانادا 1000-نان استام قوعامدىق كولىكتىڭ 560-ى ستاندارتتارعا سايكەس كەلمەيدى جانە الماستىرۋدى تالاپ ەتەدى. ساراپشىلار بۇل قاراجات تولىقتاي اۆتوبۋس ساتىپ الۋعا جۇمسالمايتىنىن العا تارتتى.
«سومانى اتالعان سانعا بولە سالۋ دۇرىس ەمەس. بىرىنشىدەن، ءوندىرۋشى ارزانىراق ساتۋى مۇمكىن. ول كەزدە كوبىرەك ساتىپ الا الامىز. ەكىنشىدەن، بۇل ساتىپ الۋدىڭ اياسىندا اۆتوبۋستى كۇتۋدەن باستاپ، ونىڭ قوسىمشا بولشەكتەرىنە دەيىن قاراجات تالاپ ەتەتىنىن ۇمىتپاۋ كەرەك»، - دەيدى ترانسپورت بويىنشا استانا LRT ديرەكتورى رۋستام حاليليەۆ.
قىمبات اۆتوبۋستاردى ساتىپ الۋ - قوعامدى دۇرلىكتىرگەن العاشقى شىعىندى جوبا ەمەس. جاقىندا استانادا قۇنى 10 ميلليون تەڭگە تۇراتىن اۆتوبۋستار الىنىپ، ونىڭ قىمباتتىعى ءبىراز اڭگىمە بولعان.
31-ارنا
