12:35, 04 - ماۋسىم 2015 | GMT +5
قىتايداعى كەمە اپاتىنان قازا تاپقان 65 ادامنىڭ مۇردەسى تابىلدى
استانا. قازاقپارات - قىتاي ەلىنىڭ حۋبي پروۆينسياسىنداعى يانتسزى(چاڭجياڭ) وزەنىندە ىزدەۋ جۇمىستارىن جۇرگىزۋ كەزىندە 2 -ماۋسىمدا كەمە اپاتىنان قازا تاپقان 39 ادامنىڭ ءمايىتى تابىلدى، دەپ حابارلايدى بي-بي-سي.
وسىلايشا، اپات سالدارىنان مەرت بولعانداردىڭ سانى 65 كە دەيىن وسكەن.
ىشىندە 458 ادام بولعان «شىعىس جۇلدىزى» تۋريستىك كەمەسى اپاتقا ۇشىرادى. نەبارى 14 ادام عانا امان قالدى.
تەپلوحودتىڭ كاپيتانى مەن باس مەحانيگى كەمەنىڭ سيكلوننان بولعان داۋىل سالدارىنان باتىپ كەتكەنىن ايتتى.
اپات ورنىندا ىزدەۋ-قۇتقارۋ ءىس-قيمىلدارى جالعاسىپ جاتىر، كوپتەگەن ادامدار ءىز-ءتۇسسىز جوعالدى دەپ ەسەپتەلۋدە.
