اقمولا وبلىسىنىڭ ورازاق اۋىلىندا 65 ءۇيدى سۋ باسىپ قالدى
بۇل تۋرالى ايماقتىق ت ج د باسپا ءسوز قىزمەتىنەن حابارلادى.
كەشە كەشكى ساعات 17:30 شاماسىندا سەلينوگراد اۋدانىنداعى ورازاق اۋىلىن اينالا قورشاعان دامبانى(توسپا) ەرىگەن قار مەن ەكى كۇن بويى تولاسسىز جاۋعان جاڭبىر سۋ بۇزىپ كەتىپ، وسىنداعى 65 ءۇي سۋدا قالدى.
وسىنىڭ سالدارىنان 460 ادام قاۋىپسىز جەرلەرگە، ياعني، تۋعان-تۋىستارى مەن وسىنداعى ورتا مەكتەپ عيماراتىنا كوشىرىلدى.
قۇتقارۋ جۇمىستارىنا 15 تەحنيكا، 4 ءجۇزۋ قۇرالى جانە ايماقتىق ت ج د 50 قىزمەتكەرى تارتىلدى.
سونداي-اق جەرگىلىكتى اتقارۋشى ورگانداردان 2 كوتەرگىش، 5 ەكسكاۆاتور، 13 جۇك كولىگى، 1 بۋلدوزەر، 5 اۆتوبۋس، 42 ادام، 26 دانا وزگە دە تەحنيكا جانە 42 قىزمەتكەرى، استانا قالاسىنداعى اپاتتى مەديتسينالىق ورتالىقتان 1 تەحنيكا مەن 3 ادام، استانا قالاسىنداعى سۋدا قۇتقارۋ قىزمەتىنەن 4 ارنايى تەحنيكا، 4 ءجۇزۋ قۇرالى جانە 17 قۇتقارۋشى، اۋداندىق ءى ءى ب 35 ادام مەن 8 تەحنيكا تارتىلىپ، وقيعا ورنىندا جۇمىس ىستەۋدە.
اۆتور: اسلان وسپانوۆ
