شەت مەملەكەتتەردە 65 سايلاۋ ۋچاسكەسى جۇمىس ىستەيدى - ب. مەلدەشيەۆ
«بۇگىن، 2015 -جىلعى 26- ساۋىردە مەملەكەت باسشىسىنىڭ 2015-جىلعى 25- اقپانداعى ق ر پرەزيدەنتىنىڭ كەزەكتەن تىس سايلاۋىن تاعايىنداۋ تۋرالى جارلىعىنا سايكەس رەسپۋبليكانىڭ بارلىق وڭىرلەرىندە ق ر پرەزيدەنتىن كەزەكتەن تىس سايلاۋ بويىنشا داۋىس بەرۋ باستالدى. پرەزيدەنت سايلاۋى ەلىمىز ءۇشىن ماڭىزدى ساياسي وقيعا. سايلاۋ جانە ءتيىستى مەملەكەتتىك ورگاندار ۇيىمداستىرۋشىلىق، ماتەريالدىق-تەحنيكالىق جانە قارجىلىق قامتاماسىز ەتۋ بويىنشا بارلىق قاجەتتى شارالاردى قابىلدادى»، - دەدى ول.
كوميسسيا حاتشىسىنىڭ اتاپ وتۋىنشە، قاجەتتى قۇجاتتار، نورماتيۆتىك-قۇقىقتىق اكتىلەر، ادىستەمەلىك قۇرالدار مەن تۇسىندىرمەلەر ۋاقىتى دايىندالدى. سايلاۋ كوميسسياسىنىڭ مۇشەلەرى ءتيىستى دايىندىقتان ءوتىپ، بىلىمدەرىن جەتىلدىردى.
«داۋىس بەرۋ جەرگىلىكتى ۋاقىت بويىنشا تاڭعى ساعات 7.00 دەن 20.00 گە دەيىن 9741 سايلاۋ ۋچاسكەسىندە وتەدى. ونىڭ ىشىندە قازاقستان رەسپۋبليكاسىنىڭ شەت مەملەكەتتەردەگى وكىلدىكتەرىنىڭ جانىنان اشىلاتىن 65 سايلاۋ ۋچاسكەسى بار»، - دەدى ب. مەلدەشيەۆ.
اۆتور: مارلان جيەمباي
