قىتاي حالىق رەسپۋبليكاسى قۇرىلعانىنا 65 جىل تولدى

 بەيجىڭ. قازاقپارات - بۇگىن قىتاي حالىق رەسپۋبليكاسى قۇرىلعانىنا 65 جىل تولۋىن اتاپ وتەدى. مەرەكە «التىن اپتا» دەگەن اتپەن 8 - قازانعا دەيىن تويلانادى، دەپ حابارلادى «قازاقپارات» ءتىلشىسى.

 قازىرگى ۋاقىتتا بەيجىڭ كوشەلەرىنە 150 ءتۇرلى گۇلدەن جاسالعان 22 ميلليون گۇل كوشەتى وتىرعىزىلعان سەبەتتەر قويىلعان. تيانانمەن الاڭىندا «وتانعا تىلەك» سوزىمەن گۇلمەن كومكەرىلگەن سەبەت فورماسىندا بيىكتىگى 15 م، ديامەترى 50 م كلۋمبا ورناتىلدى بۇل سەبەت 10 بالدىق جەلگە توتەپ بەرە الادى.

 بيىل قىتاي تاريحىندا ءبىرىنشى رەت سالتاناتتى پارادتا ايەلدەردەن جاساقتالعان قۇرمەتتى قاراۋىل روتاسى قاتىسادى. روتادا 65 سارباز بار.

 «التىن اپتا» كەزىندە بۇكىل قىتاي بويىنشا، 9 ميلليون ادام تەمىرجول قىزمەتىنە جۇگىنەدى. سونىڭ ىشىندە ەڭ كوپ ادام قاتىنايتىن كۇن بۇگىن بولماق.

 ەسكە سالا كەتەيىك، 1949 - جىلى 1- قازاندا ماۋ زىدۇڭ تيانانمەن مىنبەرىنەن قىتاي حالىق رەسپۋبليكاسىنىڭ قۇرىلعانىن مالىمدەگەن بولاتىن.

قازاقستان رەسپۋبليكاسى مەن قىتاي حالىق رەسپۋبليكاسى اراسىنداعى ديپلوماتيالىق قارىم- قاتىناس 1992 -جىلعى 3- قاڭتاردا ورناتىلدى.