قالا تۇرعىنى ءبىر جىلدا 653 رەت «جەدەل جاردەم» شاقىرتقان
ونىڭ 642 شاقىرتۋىندا دارىگەرلەر پاتسيەنتتى اۋرۋحاناعا الىپ كەتۋىنە تۋرا كەلەتىن سەبەپ تاپپاعان. ياعني، پاتسيەنتتى ەمحاناعا جاتقىزاتىنداي ونىڭ بويىنان قانداي دا ءبىر اۋىر سىرقات بەلگىسى بايقالماعان.
سونىڭ ىشىندە، «جەدەل جاردەمدى» پاتسيەنت ءوزىن ناشار سەزىنىپ تۇرعانىنا بايلانىستى 430 رەت شاقىرتقان ەكەن. ون پايىزى - قۇلاپ قالعانىنا شاعىمدانعان. بىرەۋىندە باسىنىڭ اۋىرعانىنا بايلانىستى شاقىرتقان.
بيرمينگەمدە «جەدەل جاردەمدى» تاعى ءبىر تۇرعىننىڭ ءجيى شاقىرتقانى انىقتالدى - 260 رەت. ونىڭ 102 شاقىرتۋىندا پاتسيەنتتى اۋرۋحاناعا الىپ كەتكەن. سونىڭ ىشىندە 115 شاقىرتۋىندا پاتسيەنت كەۋدەسىنىڭ اۋىراتىنىنا شاعىمدانعان، 62 دە - تىنىس الۋى قيىنداعان، ال 38 دە - ءوزىن ناشار سەزىنگەن.
وسى ەلدى مەكەندە «جەدەل جاردەمگە» وتكەن جىلى 231 رەت قوڭىراۋ شالعان پاتسيەنتتىڭ باسىنداعى جاعدايعا كەلسەك، ونىڭ 229 دا دارىگەرلەر اۋرۋحاناعا الىپ كەتكەن.
بيرمينگەم قالاسى ورىن تەپكەن ۇلى بريتانيانىڭ ميدلەندس ايماعىندا وتكەن جىلى 30 ءۇي «جەدەل جاردەمدى» 5 مىڭ رەت شاقىرتقان ەكەن. بۇل ءوز كەزەگىندە دەپۋتاتتاردىڭ نارازىلىعىن تۋدىرىپ، مەديتسينالىق «جەدەل جاردەمدى» ەرىككەننىڭ ەرمەگىنە اينالدىرماۋدى، ورىنسىز سەبەپپەن شاقىرتقاندارعا قاتاڭ شارا قولدانۋدى تالاپ ەتتى.
حالىق قالاۋلىلارى جالعان شاقىرتۋلار سىرقاتى جانىنا باتقان، ەم الۋعا شىن مۇقتاج ناۋقاستاردىڭ ولىمىنە اپارىپ سوقتىرۋى مۇمكىن ەكەنىن ەسكەرتتى.
islam.kz
