قاشاعاندا مۇناي ءوندىرۋ كولەمى ايىنا 650 مىڭ تونناعا جەتتى
«قازىرگى تاڭدا جۇمىسى 2016 -جىلدىڭ قازانىندا قايتا باستالعان تەڭىز نىسانىندا 319 ادام جۇمىس ىستەپ جاتىر. كەن ورنىندا بارلىعى 40 ۇڭعىما بۇرعىلانعان. ونىڭ جيىرماسى «د» جانە «ا» ارالدارىندا جانە قالعان 20-ى قوسىمشا ارالداردا - سپۋتنيكتەردە ورنالاسقان. قازىرگى تاڭدا 8 ۇڭعىما پايدالانۋعا بەرىلۋدە. اعىمداعى اي سايىنعى مۇناي ءوندىرۋ كولەمى 650 مىڭ تەڭگەگە جەتكەن. تەڭىز نىسانى باتىس ەسكەنە اۋماعىندا ءۇش قۇبىر جەلىسى ارقىلى جەراستى ءوندىرىس كەشەنىنە قوسىلعان»، - دەپ حابارلادى «نورت كاسپيان وپەرەيتينگ كومپاني ب. ۆ. » كومپانياسىنىڭ باسپا ءسوز قىزمەتى.
2017 -جىلى قاشاعان كەن ورنىندا 8.5 ميلليون توننا مۇناي وندىرىلەدى دەپ جوسپارلانۋدا. قاشاعاننىڭ گەولوگيالىق قورى رەسمي تۇردە 4,8 ميلليون توننا مۇناي دەپ باعالانعان. جالپى مۇناي قورى 38 ميلليارد باررەل بولسا، سونىڭ ىشىندە شىعارىلاتىنى - 10 ميلليارد باررەلدى قۇرايدى. ال، تابيعي گازدىڭ قورى - 1 تريلليون تەكشە مەتردەن استام.
