ماقتارالدىقتار 650 مىڭ توننا اق التىن جينادى

 شىمكەنت. قازاقپارات - وڭتۇستىك قازاقستاندا ماقتا تەرۋ ناۋقانى كۇننەن كۇنگە قارقىن الۋدا. بۇگىنگە دەيىن ماقتارالدىڭ شارۋالارى 650 مىڭ توننا اق التىن جيناپ وتىر،

 دەپ حابارلايدى و ق و اكىمىنىڭ باسپا ءسوز قىزمەتى.

ماۋسىم سوڭىنا دەيىن وڭىردە 265 مىڭ توننا ءشيتتى ماقتا جيناۋ مەجەلەنىپ وتىر. ال بۇل كەزدە ايماقتا استىق جيناۋ ناۋقانى اياقتالدى. وبلىستا بيىل 194 مىڭ گەكتار القاپقا ماساقتى داقىل ەگىلدى. ەگىلگەن ماساقتى داقىلداردان 371,5 مىڭ توننا ءونىم جينالىپ، گەكتار تۇسىمدىلىگى 19,1 سەنتنەردى قۇرادى. بۇل وتكەن جىلمەن سالىستىرعاندا 6,4 سەنتنەرگە ارتىق.

الىنعان ءونىمنىڭ 30,2 مىڭ تونناسى تۇقىمعا، 152 مىڭ تونناسى جەمگە، 171,4 مىڭ تونناسى حالىققا ساتىلدى. ال كوكونىستىڭ وتانى سانالاتىن وڭىردە كوكونىس پەن باقشا داقىلدارىنان بۇگىنگە دەيىن 1912,5 مىڭ توننا ءونىم جينالعان. بۇل وتكەن جىلدىڭ وسى مەرزىمىمەن سالىستىرعاندا 230 مىڭ تونناعا ارتىق.