10:02, 16 - قىركۇيەك 2021 | GMT +6
سوڭعى تاۋلىكتە 64 ناۋقاس كوروناۆيرۋس پەن پنيەۆمونيادان قايتىس بولدى
نۇر- سۇلتان. قازاقپارات – ق ر دەنساۋلىق ساقتاۋ مينيسترلىگى سوڭعى تاۋلىكتە كوروناۆيرۋستان كوز جۇمعاندار ستاتيستيكاسىن جاريالادى.
وعان سايكەس 14-قىركۇيەك كۇنى قازاقستان اۋماعىندا 58 ادام - كوروناۆيرۋستان، تاعى 6 ادام - پنيەۆمونيادان قايتقان. كوروناۆيرۋستان اجال قۇشقانداردىڭ ىشىندە ەڭ كوبى قاراعاندى وبلىسىندا - 12 ناۋقاس.
الماتى قالاسىندا – 10، شىمكەنت جانە نۇر- سۇلتان قالاسىندا – 4، اقمولا وبلىسىندا – 6، اقتوبە، اتىراۋ، قىزىلوردا جانە پاۆلودار وبلىستارىندا – 3، ماڭعىستاۋ جانە باتىس قازاقستان وبلىستارىندا – 2، تۇركىستان، الماتى، شىعىس قازاقستان جانە جامبىل وبلىستارىندا - 1 ادامنان كوز جۇمعان.
ەلىمىزدىڭ بارلىق وڭىرىندە دەرلىك قايعىلى جاعدايلار بولعان. تەك قوستاناي وبلىسىندا عانا كوروناۆيرۋستان ءولىم- ءجىتىم بولعان جوق.