19:03, 17 - اقپان 2021 | GMT +6
مۇناي باعاسى 64 دوللاردان استى
نۇر- سۇلتان. قازاقپارات - Brent ماركالى مۇنايدىڭ ساۋىردەگى فيۋچەرس باعاسى ICE لوندون بيرجاسىندا باررەلىنە 64,02 دوللارعا دەيىن قىمباتتادى، بۇل 2020 -جىلدىڭ قاڭتارىنان بەرى تىركەلگەن ەڭ جوعارى باعا، دەپ حابارلايدى قازاقپارات.
لوندوننىڭ ICE بيرجاسىندا 2021 -جىلدىڭ ساۋىرىندە Brent ماركالى مۇناي فيۋچەرسىنىڭ قۇنى جەتكىزۋمەن قوسا % 1,12- عا - باررەلىنە 64,06 دوللارعا قىمباتتادى.
WTI ماركالى مۇنايدىڭ باعاسى بۇگىنگى ساۋدا- ساتتىقتا باررەلىنە 60,06 دوللارعا دەيىن كوتەرىلدى. Bloomberg اگەنتتىگىنىڭ ترەيدەرلەر مەن مۇناي شىعاراتىن ونەركاسىپ وكىلدەرىنە سىلتەمە جاساپ حابارلاۋىنشا، باعانىڭ وسۋىنە ا ق ش- تا قاتتى اياز سالدارىنان ءوندىرۋ كولەمى تومەندەگەنى سەبەپ بولعان. ولاردىڭ مالىمەتىنشە، قۇراما شتاتتاردا مۇناي ءوندىرۋ تاۋلىگىنە 3,5 ميلليون باررەلگە ازايعان. بۇل جالپى كولەمنىڭ ۇشتەن ءبىر بولىگى.
اۆتور: بالنۇر قوجاگەلدى